میوزک انڈسٹری کی معروف گلوکارہ آئمہ بیگ نے پرانے انٹرویو کی کلپ وائرل ہونے پر پہلے کرش سے متعلق خاموشی توڑ دی۔
گلوکارہ آئمہ بیگ نے ثمینہ پیرزادہ کے ویب شو میں کہا تھا کہ جب وہ دس سال کی تھیں تو انہیں اپنے بھائی کے دوست پر پہلا کرش ہوا تھا۔
حال ہی میں ایک سوشل میڈیا پیج نے گلوکارہ کے مذکورہ بیان کو غلط انداز میں بیان کیا اور لکھا کہ ’آئمہ بیگ کا پہلا کرش اپنے بھائی پر ہوا تھا جو ان سے سات سال بڑے ہیں۔‘
سوشل میڈیا صارفین کی جانب سے آئمہ بیگ کو شدید تنقید کا نشانہ بنایا جارہا تھا اب گلوکارہ نے انسٹا اسٹوری میں اس سے متعلق وضاحت پیش کردی ہے۔
گلوکارہ نے لکھا کہ ’میں ایسی من گھڑت رپورٹ سے بالکل بیزار ہوں کتنا خوفناک اور بے شرمی سے بھرپور نظریہ پھیلا جارہا ہے میں نہیں جانتی شاید یہ کوئی نیا ایجنڈا ہو لیکن کم از کم مجھے اس کا حصہ نہیں بنائیں۔‘
اُنہوں نے لکھا کہ ’یہ لوگ صرف ویوز حاصل کرنے کے لیے کچھ بھی کرسکتے ہیں‘۔
آئمہ بیگ نے مزید لکھا کہ’ویوز حاصل کرنے ہیں تو محنت کریں اور میرا پیچھا چھوڑ دیں، بہت ہوگیا آپ لوگوں کو شرم آنی چاہیئے‘۔
اُنہوں نے سوشل میڈیا سے اپنے بارے میں شائع کی گئی خبر کو ڈیلیٹ کرنے اور سرِ عام معافی مانگنے کا مطالبہ بھی کیا۔
