نابینا افراد کو دیکھنے میں مدد دینے والی ایپ تیار -
The news is by your side.

Advertisement

نابینا افراد کو دیکھنے میں مدد دینے والی ایپ تیار

جدید ٹیکنالوجی روزانہ نہ صرف عام انسانوں کے لیے مختلف سہولیات متعارف کروا رہی ہے بلکہ یہ مختلف معذوریوں کا شکار افراد کے لیے بھی زندگی کو آسان بنا رہی ہے۔

حال ہی میں ماہرین نے ایسی ایپ تیار کرلی ہے جو نابینا افراد کی آنکھیں اور ان کے کان بن سکتی ہے۔

آئی پولی نامی یہ ایپ نابینا، جزوی طور پر نابینا یا رنگوں میں تمیز نہ کر سکنے والے کلر بلائنڈ افراد کو مختلف چیزوں سے روشناس کروا سکتی ہے۔

اسمارٹ فون کے لیے بنائی گئی یہ ایپ مصنوعی ذہانت کے ذریعہ مختلف اشیا کا نام باآواز بلند موبائل کے مالک کو بتائے گی۔ یہ ہزاروں لاکھوں اشیا اور رنگوں کو پہچان سکتی ہے۔

aipoly-2

aipoly-3

اس ایپ میں 7 زبانوں میں ڈیٹا ڈالا گیا ہے جس کے بعد یہ مختلف اشیا کو 7 زبانوں میں شناخت کروا سکتی ہے۔

جب اس ایپ کو آن کر کے کسی شے کے سامنے رکھا جائے گا تو یہ سیکنڈ کے ہزارویں حصے میں اس شے کا نام، رنگ اور سمت سے آگاہ کرے گی۔

اسے بنانے والے ماہرین کا کہنا ہے کہ وہ اس میں مزید جدت پیدا کرنے کی کوشش کر رہے ہیں اور مستقبل میں یہ ایپ صرف اشیا ہی نہیں بلکہ سامنے وقوع پذیر ہونے والے پورے منظر کی تصویر کشی کرسکے گی۔

Comments

comments

یہ بھی پڑھیں