متحدہ عرب امارات کی وزارت دفاع نے پاکستان میں تاریخ کے بدترین سے سیلاب سے متاثرہ افراد کو امدادی سامان کی فراہمی کے لیے فضائی پُل قائم کردیا ہے۔
یو اے ای کی سرکاری نیوز ایجنسی کے مطابق امارات کے صدر شیخ محمد بن زاید آل نہیان کی جانب سے پاکستان کے دوست عوام کو ہر طرح کی مدد فراہم کرنے کی ہدایت کے بعد امارات کی وزارت دفاع کے جوائنٹ آپریشنز کمانڈ نے فضائی پل قائم کرنے کےلیے اقدامات کیے ہیں۔
اے آروائی نیوز براہِ راست دیکھیں live.arynews.tv پر
پاکستان کو بھیجے جانے والے امدادی سامان میں بارش اور سیلاب سے متاثرہ افراد کے لیے شیلٹرز کا سامان، خوراک اور طبی سامان کے پیکٹ شامل ہیں۔
پاکستان میں امارات کے سفیر حمد عبيد إبراهيم سالم الزعابی کا کہنا ہے کہ امارات کا پہلا امدادی طیارہ پیر کو پاکستان پہنچا جب کہ آئندہ دنوں میں مزید کئی طیارے امدادی سامان لے کر آئیں گے۔
حمد ابراہیم کا کہنا تھا کہ یہ اقدام دونوں ممالک کے درمیان مستحکم تعلقات کو اجاگر کرتا ہے اور متحدہ عرب امارات نے گزشتہ برسوں کے دوران پاکستان میں آنے والے کئی ایک انسانی بحرانوں، خاص طور پر قدرتی آفات سے نمٹنے کے لیے اہم کردار ادا کیا ہے۔
President HH Sheikh Mohamed bin Zayed Al Nahyan directs support to areas affected by torrential rains and floods in #Pakistan. #UAE Ministry of Defence Joint Operations Command begins operating urgent humanitarian aid air bridge to the Pakistani people. #UAEAid pic.twitter.com/O102b1be7s
— وزارة الدفاع |MOD UAE (@modgovae) August 29, 2022
واضح رہے کہ پاکستان ان دنوں تاریخ کے بدترین سیلاب سے گزر رہا ہے، ملک کا بیشتر حصہ ڈوب چکا ہے، ہزار سے زائد قیمتی جانیں ضائع، لاکھوں بے گھر ہوچکے ہیں، فصلیں تباہ اور معیشت کو سخت نقصان پہنچا ہے۔
یہ بھی پڑھیں: پاکستان میں سیلاب، اقوام متحدہ نے 160 ملین ڈالر امداد کی اپیل کردی
اقوام متحدہ نے بھی عالمی برادری سے پاکستان میں سیلاب متاثرین کی امداد کے لیے 160 ملین ڈالر امداد کی اپیل کردی ہے۔