سربراہ پاک فضائیہ ائیرچیف مارشل سہیل امان کےلیے امریکی لیجن آف میرٹ کا اعزاز
The news is by your side.

Advertisement

سربراہ پاک فضائیہ ائیرچیف مارشل سہیل امان کےلیے امریکی لیجن آف میرٹ کا اعزاز

اسلام آباد : پاک فضائیہ کے سربراہ کو امریکی لیجن آف میرٹ ایوارڈ سے نواز گیا، ائیر چیف سہیل امان کو انکی پیشہ وارانہ خدمات کے اعتراف میں یہ اعزاز دیا گیا۔

تفصیلات کے مطابق ائیر ہیڈ کواٹرز میں ایک پُروقار تقریب کا انعقاد کیا گیا ، جس میں پاک فضائیہ کے سربراہ ائیر چیف مارشل سہیل امان کو امریکی حکومت نے اعلی ترین ملٹری ایوارڈ لیجن آف میرٹ دیا گیا۔

کمانڈریوایس ائیر فورس سنٹرل کمانڈ، لیفٹیننٹ جنرل جیفری ایل ہیریجین یہ اعزاز عطا کیا جبکہ امریکی فضائیہ کے چیف آف سٹاف جنرل ڈیوڈایل گولڈفین نے بذریعہ ویڈیو لنک شرکت کی۔

پاک فضائیہ کے سربراہ کو یہ اعزاز انکی جرأتمندانہ قیادت، دور اندیشی اوردہشتگردی کیخلاف بین الاقوامی جنگ میں غیر معمولی عزم و استقلال اور علاقائی و عالمی امن و استحکام کو یقینی بنانے کے لیے کی گئی کاوشوں کے اعتراف میں دیا گیا۔

سربراہ امریکی فضائیہ کا کہنا تھا کہ ائیرچیف سہیل امان نے دہشت گردی کے خلاف کامیابی میں اہم کردار ادا کیا۔

ترجمان پاک فضائیہ کے مطابق ایئرچیف سہیل امان اور امریکی کمانڈرجیفری ایل ہیریجین کے درمیان ملاقات ہوئی ، ملاقات میں باہمی دلچسپی کے امور پر تبادلہ خیال کیا گیا اور فضائی افواج کے درمیان باہمی تعاون مزید بڑھانے کے عزم کا اعادہ کیا گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Comments

comments

یہ بھی پڑھیں