The news is by your side.

Advertisement

ایئرنیوزی لینڈ کا دنیا کی چوتھی طویل ترین پرواز چلانے کا اعلان

ایئرنیوزی لینڈ نے دارالحکومت آکلینڈ سے نیویارک تک 17 گھنٹے طویل براہ راست فلائٹس چلانے کا اعلان کردیا۔

غیر ملکی میڈیا کے مطابق طویل دورانیے کی یہ فلائٹس رواں برس 17 ستمبر سے آکلینڈ سے شروع ہوں گی، آکلینڈ سے چلنے والی پروازوں کا نمبر ’این زیڈ ٹو‘ اور نیویارک سے روانہ ہونے والی پروازوں کو ’این زیڈ ون‘ کا نمبر دیا گیا ہے۔

کمپنی کے سی ای او کا کہنا ہے کہ آکلینڈ سے نیویارک کےلیے بوئنگ 787 ڈریم لائنز کی ہفتے میں تین پروازیں چلائی جائیں گی، جس کا آکلینڈ سے نیویارک تک دورانیہ 17 گھنٹے 35 منٹ ہوگا اور یہ دنیا کی چوتھی طویل ترین دورانیے کی پرواز ہوگی۔

رپورٹس کے مطابق 8,828 میل فاصلے کی براہ راست ان پروازوں کا آغاز 17 ستمبر 2022 سے نیوزی لینڈ کے دارالحکومت آکلینڈ سے ہوگا۔

آکلینڈ سے نیویارک تک 17 گھنٹے سے زائد وقت کی پرواز کو دنیا کی طویل ترین پروازوں میں سے ایک قرار دیا جارہا ہے، تاحال طویل ترین دورانیے کی پرواز سنگاپور سے نیویارک 9,537 میل تک چلتی ہے جس کا دورانیہ 18 گھنٹے 7 منٹ کا ہے۔

Comments

یہ بھی پڑھیں