بھارتی فلم انڈسٹری کے فلمساز کی اہلیہ نے معروف بھارتی اداکارہ ایشوریا رائے بچن کا موازنہ فلورنس نائٹ انگیل سے کردیا۔
ایشوریا رائے بچن اور ڈائریکٹر منی رتنم نے اروور اور راون جیسی فلموں میں ایک ساتھ کام کیا ہے۔
ایک حالیہ انٹرویو میں، ڈائریکٹر کی اہلیہ، سوہاسنی منی رتنم نے ایشوریا کی تعریفوں کے پل باندھتے ہوئے انہیں ”ایک حقیقی ہمدرد“ قرار دیا جو اپنے آس پاس کے لوگوں کا خیال رکھتی ہیں۔ اس دوران انہو ں نے ان کا موازنہ فلورنس نائٹنگیل سے بھی کر ڈالا۔
فلمساز منی رتنم کی اہلیہ سوہاسنی منی رتنم نے ایک حالیہ انٹرویو میں ایشوریا کے کردار کے اوصاف پر روشنی ڈالی۔ ”جب بھی میں ایشوریا کو دیکھتی ہوں تو مجھے خوشی اور جوش محسوس ہوتا ہے۔ اگرچہ بہت سے لوگ ایشوریا کو صرف اس کی خوبصورتی کی وجہ سے دیکھتے ہیں، لیکن میں اسے ذاتی طور پر جانتی ہوں اور یقین ہے کہ وہ ایک حقیقی ہمدرد ہیں۔
انہوں نے کہا کہ ان کی شخصیت میں کچھ ایسی خصوصیات ہیں جن پر عام لوگ توجہ نہیں دیتے۔ مثلاً اگر آپ بیمار ہیں تو ایشوریا رائے آپ کا بہت خیال رکھیں گی اور بتائیں گی کہ آپ کیا کیا کھا سکتے ہیں۔ ایشوریا رائے فلورنس نائٹ انگیل سے کم نہیں۔
