بالی ووڈ کی معروف اداکارہ ایشوریہ رائے اور ابھیشیک بچن کے درمیان طلاق کی افواہیں دم توڑ گئیں۔
فوٹو اور ویڈیو شیئرنگ ایپ انسٹاگرام پر اداکارہ ایشوریہ رائے نے شوہر و اداکار ابھیشیک بچن کے ساتھ سیلفی شیئر کرکے طلاق کی افواہوں کو غلط ثابت کردیا۔
ایشوریہ نے شوہر ابھیشیک بچن اور بیٹی ارادھیا بچن کے ساتھ سیلفی شیئر کی جس میں تینوں کو سرخ رنگ کے لباس میں خوشگوار موڈ میں دیکھا جاسکتا ہے۔
انہوں نے تصاویر شیئر کرتے ہوئے کیپشن میں ابھیشیک بچن کو سالگرہ کی مبارک باد دیتے ہوئے ان کے لیے اپنی نیک خواہشات کا اظہار کیا۔
View this post on Instagram
ایشوریا رائے بچن کی اس پوسٹ کو سوشل میڈیا صارفین کی جانب سے بہت پسند کیا جا رہا ہے اور اس بات پر خوشی کا اظہار کیا جا رہا ہے کہ بالی ووڈ کی اس مشہور جوڑی کی شادی ابھی تک برقرار ہے۔
واضح رہے کہ بھارتی میڈیا پر گزشتہ کچھ عرصے سے ابھیشیک بچن اور ایشوریا رائے بچن کی علیحدگی سے متعلق خبریں گردش کر رہی تھیں اور یہ خدشہ ظاہر کیا جا رہا تھا کہ دونوں طلاق کے لیے جلد عدالت سے رجوع کریں گے۔