بالی وُڈ کے سپرسٹار اجے دیوگن نے اپنی مشہور فلم فرنچائز ’سنگھم‘ کی تیسری فلم بنانے کا اعلان کیا ہے۔
رپورٹ کے مطابق اجے دیوگن سنگھم فرنچائز کے ڈائریکٹر روہت شیٹھی کے ساتھ مل کر ’سنگھم اگین‘ بنائیں گے۔
اجے دیوگن نے سماجی رابطے کی ویب سائٹ ٹوئٹر پر سنگھم اگین بنانے کا اعلان کیا، انہوں نے ٹوئٹ میں لکھا کہ روہت شیٹھی سے ’سنگھم اگین‘ کی کہانی سن کر نئے سال کا آغاز اچھا ہوگیا ہے۔
Made a good start to the New Year with #RohitShetty’s narration of Singham Again. The script I heard is 🔥
God willing this will be our 11th blockbuster 🙏 pic.twitter.com/hyUvhGelnY
— Ajay Devgn (@ajaydevgn) January 2, 2023
اجے دیوگن کا کہنا تھا کہ جو اسکرپٹ میں نے سنا ہے وہ آگ ہے، خدا نے چاہا تو یہ ہماری 11 ویں بلاک بسٹر فلم ہوگی۔
واضح رہے کہ 2011 میں سنگھم فرنچائز کی پہلی سپرہٹ فلم ’سنگھم‘ ریلیز ہوئی تھی جس نے باکس آفس پر کامیابی کے جھنڈے گاڑے تھے۔
اس فلم میں اجے دیوگن کے ساتھ جنوبی انڈیا کی اداکارہ کاجل اگروال نے مرکزی کردار ادا کیا تھا، تاہم فلم میں پراکاش راج کی بطور وِلن (جے کانت شکرے) اداکاری کو بہت سراہا گیا تھا۔
اس کے بعد 2014 میں سنگھم کی سیکوئل فلم ’سنگھم ریٹرنز‘ ریلیز ہوئی تھی جو کہ سپرہٹ فلم تھی۔
اس فلم میں کاجل اگروال کی جگہ کرینہ کپور خان نے اجے دیوگن کے ساتھ مرکزی کردار ادا کیا تھا۔
روہت شیٹھی نے اپنی پولیس سیریز ’کاپ یونیورس‘ کی بنیاد سنگھم فلم سے ہی رکھی تھی۔
