آزاد کشمیر قانون ساز اسمبلی الیکشن، لاہور میں تیاریاں مکمل -
The news is by your side.

Advertisement

آزاد کشمیر قانون ساز اسمبلی الیکشن، لاہور میں تیاریاں مکمل

لاہور : آزاد کشمیر قانون ساز اسمبلی کے لیے انتخابات کی تیاریاں مکمل صوبائی الیکشن کمیشن نے ایل اے 30، ایل اے 37 کے لیے پریزائڈنگ آفیسر تعینات کردئیے گئے۔

تفصیلات کے مطابق کشمیر کی قانون ساز اسمبلی کی مختلف نشستوں کے لیے 21 جولائی کو لاہور میں رہائش پذیر کشمیری مہاجرین کی جانب سے حق رائے دہی استعمال کیا جائے گا۔

انتخابات میں مسلم لیگ ن کے امیدوار غلام عباس میر ، عمر شریف بخاری پیپلزپارٹی ، تحریک انصاف کے امیدوار غلام محیٰ الدین سمیت تین آزاد امیدوار حصہ لے رہے ہیں، لاہور میں کشمیری مہاجرین کی بڑی تعداد کے پیش نظر کشمیریوں کو ووٹ ڈالنے کے لیے شہر کے مختلف مقامات پر پولنگ اسٹیشن بنادئیے گیے ہیں۔

ایل اے 30 جموں کے لیے لاہور میں 4583 اور ایل اے 37 کشمیر وادی میں رجسٹرر ووٹر کی تعداد 3935 ہے ، ایل اے 30 میں مرد ووٹر کی تعداد 2704 جبکہ 1879خواتین ووٹرز ہیں، اسی طرح ایل اے 37 میں مرد ووٹرز کی تعداد 2172اور خواتین ووٹرز کی تعداد 1763 ہے۔

ایل اے 30 میں 19 پولنگ اسٹیشنز ہیں جہاں پر 19 پریزایڈنگ آفیسرز، 18 پولنگ آفیسرز اور 76 اسٹنٹ پولنگ آفیسر تعینات کیے گئے ہیں، جبکہ ایل اے 37 میں 10 پولنگ اسٹیشنز قائم کیے گئے ہیں جن میں 10 پریزایڈنگ ، 20 پولنگ اور 40 اسسٹنٹ پولنگ افسران تعینات کیے گیے ہیں۔

پولنگ کا عمل 21جولائی کی صبح 8 بجے سے شام چار بجے تک بغیر کسی وقفے کے جاری رہے گا جبکہ امن و امان کی صورتحال کو قابو میں رکھنے کے لیے پولنگ اسٹیشن کے باہر پولیس کی بھاری نفری کو تعینات کیا جائے گا۔

Comments

comments

یہ بھی پڑھیں