مظفر آباد : وزیراعظم آزاد کشمیر نے کابینہ کے 5 وزرا کو بر طرف کردیا ، وزرا میں تنویر الیاس ،عبد الماجد خان ، علی شان سونی ، خواجہ فاروق شامل ہیں۔
تفصیلات کے مطابق آزاد کشمیر میں بھی سیاسی بحران سر اٹھانے لگا، وزیراعظم آزاد کشمیرعبدالقیوم نیازی نے 4 وزرا کو برطرف کرنے کا فیصلہ کرلیا ، ترجمان نے بتایا کہ وزراکو مس کنڈکٹ ،بد عنوانی ،مشکوک سرگرمیوں پرآزادکشمیرکابینہ سے نکالا گیا۔
برطرف ہونے والے وزراء میں سردار تنویرالیاس، عبدالماجدخان،علی شان سونی ،خواجہ فاروق اور چوہدری محمد اکبر شامل ہیں۔
یاد رہے وزیراعظم آزاد کشمیر سردار عبدالقیوم نیازی کیخلاف تحریک عدم اعتماد جمع کرادی گئی تھی ، تحریک عدم اعتماد علی شان سونی، ماجد خان اور اکبر ابراہیم کی جانب سے جمع کرائی گئی اور اس پر 25 اراکین اسمبلی کے دستخط موجود تھے۔
بعد ازاں چیئرمین تحریک انصاف عمران خان سے ملاقات میں وزیراعظم آزاد کشمیر عبدالقوم نیازی نے خود پر لگے تمام الزمات مسترد کر دیئے تھے اور مستعفی ہونے کی پیشکش کی تھی۔
عمران خان نے معاملات حل کرانے کی ذمہ داری شاہ محمود قریشی کو سونپتے ہوئے کمیٹی قائم کردی تھی، کمیٹی تمام حقائق کاجائزہ لے کر فیصلہ کرے گی۔
