The news is by your side.

Advertisement

علیم خان گروپ کے مزید تین ارکان کی پرویز الہٰی کی حمایت

لاہور : وفاقی وزیر مونس الہٰی نے علیم خان گروپ کے مزید تین ارکان توڑ لئے، مذکورہ ارکان گزشتہ رات پرویز الہٰی کے پاس آگئے تھے۔

تفصیلات کے مطابق چوہدری پرویزالہٰی کو وزیراعلی پنجاب منتخب کروانے کیلئے وفاقی وزیر مونس الہٰی کی کوششیں بھرپور انداز سے جاری ہیں۔

مونس الٰہٰی سے علیم خان گروپ کے مزید دو ارکان اشرف رند اور عون ڈوگر نے ملاقات کی اور اپنی حمایت کا یقین دلا دیا ہے

ملاقات میں یہ طے پایا گیا کہ علیم خان گروپ کے مذکورہ تینوں ارکان بھی پرویز الہٰی کو ووٹ دیں گے، خرم لغاری اوراویس دریشک گزشتہ رات پرویز الہٰی کے پاس آگئے تھے۔

مزید پڑھیں : پی ٹی آئی سے ناراض چھینہ گروپ کا پرویزالٰہی کی حمایت کا اعلان

یاد رہے کہ پنجاب میں حکومت سازی کیلیے حکومتی اتحاد کیلیے بڑا بریک تھرو گزشتہ روز ہوا تھا جب چھینہ گروپ نے وزیراعلیٰ پنجاب کیلیے حکومت کے نامزد امیدوار چوہدری پرویز الہٰی کی حمایت کا اعلان کیا۔

جمعے کے روز وزارت اعلیٰ کیلیے حکومتی امیدوار چوہدری پرویز الہٰی سے چھینہ گروپ کے 14 اراکین پنجاب اسمبلی نے ملاقات کی اور وزارت اعلیٰ کیلیے چوہدری پرویز الہٰی کی حمایت کا اعلان کیا۔

Comments

یہ بھی پڑھیں