ہفتہ, جولائی 13, 2024
اشتہار

مدین میں ناخوشگوار واقعے پر علی امین گنڈاپور کا اظہار افسوس، رپورٹ طلب

اشتہار

حیرت انگیز

پشاور : وزیراعلیٰ خیبرپختونخوا علی امین گنڈاپور نے مدین میں نا خوشگوار واقعے پرافسوس کا اظہار کرتے ہوئے آئی جی پولیس سے رپورٹ طلب کرلی۔

تفصیلات کے مطابق وزیراعلیٰ خیبرپختونخوا علی امین گنڈاپور نے سوات کے علاقے مدین میں نا خوشگوار واقعے پر افسوس کا اظہار کرتے ہوئے شہریوں سے پرامن رہنے کی بھی اپیل کردی۔

علی امین گنڈاپور نے آئی جی پولیس سے واقعے کی رپورٹ بھی طلب کرلی ہے۔

- Advertisement -

سوات میں مشتعل ہجوم نے توہین مذہب کے الزام میں ایک شخص کو آگ لگا دی تھی اور واقعے کے بعد کالام سمیت دیگر علاقوں کے ہوٹل بند کردیے گئے تھے۔

پولیس حکام کا کہنا تھا کہ پولیس نے ملزم کو گرفتار کرکے تھانے منتقل کیا تو لوگوں نے تھانے میں توڑ پھوڑکی اور آگ لگا دی ، جس کے نتیجے میں پولیس اسٹیشن پرحملے میں آٹھ پولیس اہلکار زخمی ہوئے۔

مقامی عمائدین کی درخواست پر مظاہرین منتشر ہوگئے، جس کے بعد کالام اور مینگورہ روڈ کو کھول دیا گیا۔

مظاہرین کا کہنا ہے واقعے کی غیرجانبدارانہ تحقیقات کی جائے اور فائرنگ کرنےوالے اہلکاروں کیخلاف کارروائی کی جائے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں