پاکستانی ڈرامہ انڈسٹری کے معروف اداکار علی انصاری نے اپنی بہن اور اداکارہ مریم انصاری کی رخصتی کی جذبات ویڈیو شیئر کردی۔
اداکار علی انصاری کی بہن کی رخصتی گزشتہ دنوں ہوئی تھیں، مریم انصاری سابق کرکٹر معین خان کے بیٹے اویس خان کے ساتھ رشتہ ازدواج میں منسلک ہوئیں۔
مریم انصاری کی بارات کو خوش آمدید کہتے ہوئے اور ان کی رخصتی کی جذباتی ویڈیو علی انصاری نے اپنے انسٹاگرام پر شیئر کیں۔
علی انصاری نے ویڈیو میں کیپشن لکھتے ہوئے بتایا کہ ’وہ اپنی بہن کی شادی کی تیاریوں کے آغاز سے لے کر رخصتی تک کافی جذباتی رہے۔
علی انصاری کا اپنی پوسٹ کے کیپشن میں کہنا ہے کہ ’وہ اس احساس کو لفظوں میں بیان نہیں کر سکتے۔‘
انہوں نے مز ید لکھا کہ ’میری خواہش تھی کہ کاش ہمارے والد بھی مریم انصاری کی رُخصتی کے دوران ہمارے ساتھ اِن وڈیوز میں موجود ہوتے، وہ یہ ویڈیوز دیکھ کر نہایت افسردہ محسوس کر رہے ہیں۔‘
ویڈیو میں بہن بھائی جیسے بے لوث محبت بھرے اور جذباتی رشتے کو خوبصورتی سے کیمرے کی آنکھ کے ذریعے دکھایا گیا ہے۔
