بالی ووڈ اداکار وماڈل علی فضل نے ویب سیریز ہیرا منڈی میں اہلیہ ریچا چڈا کی شاندار اداکاری کی تعریف کی ہے۔
اداکار علی فضل نے فوٹو اینڈ شیئرنگ ایپ انسٹاگرام پر اپنی اہلیہ کیلئے ایک ویڈیو شیئر کی ہے جس میں انہوں نے ہیرا منڈی کی لجو اپنی اہلیہ( ریشا چڈا) کو ان کی شاندار کامیابی پر مبارکباد دی ہے۔
علی فضل نے اہلیہ کی خوب تعریف کرتے ہوئے لکھا کہ آپ نے نے ہمیشہ کی طرح بہترین اور غیر معمولی اداکاری کی، تم بہترین ہو اور میں خود کو خوش قسمت سمجھتا ہوں، ہیرا منڈی میں بہترین اداکاری پر تمھیں مبارک باد پیش کرتا ہوں۔
View this post on Instagram
اداکارہ ریچا چڈا نے بھی شوہر کی جانب سے مبارک باد دیے جانے پر ان کا شکریہ ادا کیا۔
واضح رہے کہ یکم مئی کو نیٹ فلکس پر ریلیز ہونے والی سیریز ہیرا منڈی میں سوناکشی سنہا، ادیتی راؤ حیدری، منیشا کوئرالا، سنجیدہ شیخ، ریچا چڈھا، فردین خان، شیکھر سمن اور ان کا بیٹا ادھیان سمن اور تاہا شاہ نے اداکاری کے جوہر دکھائے ہیں۔
ویب سیریز ہیرا منڈی کی کہانی ایسی طوائفوں کے اردگرد گھومتی ہے جو ناچ گانا کر کے اپنا گزارا کرتی ہیں۔ اس بھارتی فلم میں لاہور کی زمانہ قدیم میں موجود ہونے والی بدنامِ زمانہ ہیرا منڈی کو دکھایا گیا ہے۔
