مقبوضہ کشمیر: حریت رہنما سید علی گیلانی گرفتار -
The news is by your side.

Advertisement

مقبوضہ کشمیر: حریت رہنما سید علی گیلانی گرفتار

سرینگر: مقبوضہ کشمیر میں حریت رہنما سید علی گیلانی کو گرفتار کرلیا گیا۔ ان پر 17 روز سے جاری کرفیو کی خلاف ورزی کا الزام ہے۔

واضح رہے کہ مقبوضہ کشمیر میں آج مسلسل سترہویں دن بھی کرفیو نافذ ہے۔ بھارتی فورسز کے ہاتھوں شہید افراد کی تعداد 56 ہوگئی ہے جبکہ 5 ہزار افراد زخمی ہیں۔

بھارتی بربریت کے خلاف حریت کانفرنس نے آج مظاہروں کا اعلان کر رکھا تھا جس کے دوران حریت رہنما سید علی گیلانی کو گرفتار کرلیا گیا۔

دوسری جانب مقبوضہ کشمیر میں کرفیو کے باعث کھانے پینے کی اشیا اور دواؤں کی شدید قلت ہوگئی ہے۔ انٹرنیٹ، موبائل سروس بدستور بند ہیں جبکہ اخبارات پر بھی پابندی عائد ہے۔

واضح رہے کہ 8 جولائی کو مجاہد کمانڈر مظفر وانی کی شہادت کے بعد وادی میں بھارتی افواج کے خلاف شدید مظاہرے کیے گئے تھے۔ مظاہرین پر قابض فوج نے فائرنگ کردی تھی۔

بھارتی فوج کی فائرنگ کے باعث 16 افراد شہید جبکہ متعدد زخمی ہوئے تھے، جس کے بعد شہدا کی تعداد بڑھتے بڑھتے 56 تک جا پہنچی ہے۔

Comments

comments

یہ بھی پڑھیں