18.3 C
Ashburn
ہفتہ, مئی 25, 2024
اشتہار

’پرویزخٹک تکبر نہ کریں چیئرمین پی ٹی آئی کی وجہ سے ان کو مقام ملا‘

اشتہار

حیرت انگیز

تحریک انصاف کے رہنما علی محمد خان نے کہا ہے کہ پرویزخٹک تکبر کی باتیں نہ کریں چیئرمین پی ٹی آئی کی وجہ سےان کو مقام ملا۔

اے آر وائی نیوز کے پروگرام اعتراض ہے میں گفتگو کرتے ہوئے علی محمد خان نے کہا کہ پرویزخٹک چیئرمین پی ٹی آئی کے بغیر نوشہرہ میں بھی ووٹ نہیں لےسکتے وہ چیئرمین پی ٹی آئی کی وجہ سے وزیراعلیٰ بنے تھے آفتاب شیرپاؤ کی حکومت میں پرویزخٹک کوئی کبھی ڈھنگ کی وزارت نہیں ملی پرویزخٹک تکبر کی باتیں نہ کریں چیئرمین پی ٹی آئی کی وجہ سےان کو مقام ملا۔

انہوں نے کہا کہ چیف جسٹس قاضی فائزعیسیٰ کومبارکباد پیش کرتے ہیں امید ہے قانون کی حکمرانی، احساس تحفظ پیدا ہو گا سیاسی اسیران کےلیے انصاف کی توقع کرتا ہوں ملک کا بڑا لیڈر اس وقت اٹک جیل میں قید ہے متعددخواتین جیلوں میں ہیں امید ہےمسائل حل ہوں گے سب کو بیٹھ کر ملک کے مستقل کا فیصلہ کرنا ہوگا۔

- Advertisement -

علی محمد خان نے کہا کہ پیپلزپارٹی اور ن لیگ کو اب نورا کشتی بند کرنی چاہیے پی پی اور ن لیگ نے مل کرحلوہ کھایا اب مروڑ اٹھ رہےہیں یہ لوگ لیول پلئینگ فیلڈ کی باتیں کرتے ہیں، پیپلزپارٹی اور ن لیگ مل کر گیم بنائی، ہمارے بندے توڑے پیپلزپارٹی اور ن لیگ مل کررات 12 بجے پی ٹی آئی حکومت ختم کی یہ لوگ آپس میں لڑیں مت، پی پی ن لیگ قوم سے معافی مانگیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں