معروف گلوکار علی ظفر بھی مفت آٹے کی تقسیم کے دوران ہونے والی بدنظمی پر بول پڑے۔
سماجی رابطے کی ویب سائٹ ٹوئٹر پر اداکار و میمکری کے لیے مشہور شفاعت علی نے مفت آٹے کی تقسیم کے دوران بھگدڑ اور اموات پر اپنا ردعمل دیا جس پر علی ظفر نے بھی جواب دیا۔
شفاعت علی نے لکھا کہ ’جب بجلی کا بل غریب کے گھر کے پتے پر ہر مہینے آسکتا ہے تو مفت آٹے کا ٹھیلا کیوں نہیں پہنچ سکتا؟ غریب کو ایک آٹے کا تھیلا دینے کے لیے میلہ لگانے کی ضرورت کیوں پڑتی ہے؟
اسی ٹوئٹ پر علی ظفر نے ری ٹوئٹ کرتے ہوئے لکھا کہ ’مدعا ہے کہ یہ ریاست کی ذمہ داری ہے کہ سب کے وقار کا خیال رکھے۔‘
Point: One of the State's responsibilities is to uphold the dignity of every individual. https://t.co/38U61h7Kbe
— Ali Zafar (@AliZafarsays) March 28, 2023
واضح رہے کہ ملک بھر میں مفت آٹے کی تقسیم کے دوران بدنظمی اور بھگدڑ کے باعث متعدد افراد جاں بحق ہوچکے ہیں۔
یاد رہے کہ وزیراعظم شہباز شریف کی جانب سے رمضان المبارک میں عوام کے لیے مفت آٹے کا تھیلا دینے کا اعلان کیا گیا تھا۔
