بیرسٹر علی ظفر اور شہزاد اکبر نے جہانگیرترین کو کلین چٹ دینے جانے اور ملاقات سے متعلق راجا ریاض کے دعوے کی تردید کر دی۔
اے آر وائی نیوز کے پروگرام آف دی ریکارڈ میں گفتگو کرتے ہوئے علی ظفر نے واضح کیا کہ کل شہزاداکبر اور جہانگیرترین کے ساتھ ایک ہی جگہ پر ملاقات نہیں ہوئی، فائنڈنگ رپورٹ ہی نہیں دی توکلین چٹ کاکہاں ذکر آجاتا ہے۔
انہوں نے کہا کہ قیاس آرائیوں پرمبنی گفتگو کی جا رہی ہے رپورٹ ابھی نہیں بنائی، وزیراعظم نےتحقیقات کی ہدایت کی تھی انہیں ہی رپورٹ کروں گا۔
دوسری جانب ٹوئٹر پر ردعمل دیتے ہوئے مشیرداخلہ و احتساب شہزاد اکبر نے کہا کہ جہانگیرترین سے ملاقات نہیں ہوئی، بیرسٹرعلی ظفربھی رپورٹ دینےکی پہلےہی تردید کر چکے ہیں۔
انہوں نے کہا کہ پی ٹی آئی اداروں کی آزادی،رول آف لا،شفاف احتساب پریقین رکھتی ہے مجرمانہ تحقیقات کا اختیار صرف تحقیقاتی ایجنسیز کو ہے، احتساب اورانصاف سےمتعلق وزیراعظم کا بیانیہ غیرمتزلزل ہے۔
Contrary to reports/statements on media, there has been no meeting with JKT. Barrister Ali Zafar has already denied any report being associated with him on issue of pending FIA investigations. Criminal investigations are absolute purview of investigating agencies 1/2
— Mirza Shahzad Akbar (@ShazadAkbar) May 26, 2021
واضح رہے کہ اے آر وائی نیوز کے پروگرام آف دی ریکارڈ میں گفتگو کرتے ہوئے راجا ریاض نے اپنے دعوے کو دہرایا کہ اسلام آباد میں جہانگیرترین، علی ظفر اور شہزاد اکبر کی ملاقات ہوئی جس میں جہانگیرترین کو کلیئر قرار دیا گیا۔
راجا ریاض نے کہا کہ یہ بات خود جہانگیرترین نے انہیں بتائی اور اسلام آباد سے لاہور واپسی کے دوران تفصیل سے آگاہ کیا۔ انہوں نے کہا کہ تحقیقاتی رپورٹ وزیراعظم کو پیش کی جائے گی اور جہانگیرترین الزامات سے سرخرو ہوں گے۔
‘حلفاً کہتا ہوں شہزاد اکبر کے سامنے جہانگیرترین کو کلین چٹ ملی’
راجا ریاض نے کہا کہ میں نے حلفاً کلین چٹ کی بات کی ہے اور میں اپنے دعوے پر قائم ہوں، آئندہ دنوں میں سچ سامنے آجائے گا اور میرا دعویٰ سچا ٹھہرے گا۔