کراچی : معروف گلوکار و اداکار علی ظفر نے نگہت داد کو مناظرے کا چیلنج دیتے ہوئے کہا ہے کہ آپ جعلی اکاؤنٹس کے ذریعے نازیبا مہم کا حصہ بنیں۔
گلوکار و اداکار علی ظفر نے نگہت داد کو ٹوئٹر پر کرارا جواب دے دیا انہوں نے لکھا کہ مجھے لگتا ہے آپ اپنے متعلق تمام افواہوں اور قیاس آرائیوں کا خاتمہ کرسکتی ہیں اگر آپ اپنی این جی او،”ڈیجیٹل رائٹس پی کے” کا کسی غیرجانبدار ادارے سے آڈٹ کروالیں۔
علی ظفر نے کہا کہ میں آپ کو کیمرے اور عوام کے سامنے کسی بھی غیرجانبدار فورم پر آکر اپنے کیس پر بات کرنے کی دعوت دیتا ہوں، بتائیں!! ڈیجیٹل رائٹس ایکٹوسٹ کی حیثیت سے آپ کیوں اور کیسے نازیبا مہم کا حصہ بنیں اور کیسے جعلی اکاؤنٹس کے ساتھ آپ کا براہ راست تعلق رہا؟
Hi @nighatdad. Hope you’re well. I feel you can put an end to all the speculations & allegations against you for the embezzlements of foreign funds/using noble causes for self projection/monetisation by opening your NGO @DigitalRightsPK for an external audit by a neutral entity. https://t.co/u9wasqKHrY
— Ali Zafar (@AliZafarsays) February 16, 2023
سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ منفی سائبر مہم کیخلاف حقوق کی جنگ لڑنے والی کی حیثیت سے آپ کیسے ان جعلی اکاؤنٹس کو فالو اور ری ٹویٹ کر رہی تھیں جو ایسی مہم چلارہے تھے۔
علی ظفر نے کہا کہ میرے پاس ثبوت ہیں کہ آپ نے مجھے نازیبا الفاظ اور تصاویر کے ذریعے ہراساں اور تنگ کیا، علی ظفر نے نگہت داد کے لیے سوال اٹھا تے ہوئے کہا کہ آپ کس کیلئے کام کرتی ہیں؟ اور آپ کا ضابطہ اخلاق کیا ہے؟
جب میں نے آپ کے خلاف عدالت میں ثبوت پیش کرنے شروع کیے تو آپ نے راہ فرار اختیار کی۔ اس وقت آپ نے جھینپتے ہوئے کہا تھا کہ ٹھیک ہے مزید سوال نہ کیے جائیں۔ علی ظفر نے نگہت داد سے پوچھا آپ کیا چھپا رہی تھیں اور کیوں؟
انہوں نے وزیر اعظم شہباز شریف کو مخاطب کرتے ہوئے مطالبہ کیا کہ میں درخواست کرتا ہوں کہ "ڈیجیٹل رائٹس پی کے” کے خلاف میرٹ پر انکوائری شروع کی جائے، ایک غیر جانبدار آڈٹ فرم کو شامل کرکے اس کا آڈٹ کروایا جائے تاکہ کوئی غلطی نہ ہوسکے۔
Dear @CMShehbaz, I request you to initiate an inquiry into @DigitalRightsPK based on merit.
A neutral auditing firm should be engaged to audit it so there is no bias or misinformation.
All we want to know is whether each and every penny received was used for the victims. https://t.co/DJoZueBHtK— Ali Zafar (@AliZafarsays) February 16, 2023
گلوکار نے کہا کہ ہم صرف یہ جاننا چاہتے ہیں کہ فنڈنگ سے ملنے والی ایک ایک پائی سائبر کرائم کے شکار متاثرین کیلئے استعمال ہوئی یا نہیں۔ اگر سامنے آنے والی رپورٹس درست ہیں تو کیا اس کا مطلب یہ ہے کہ نگہت داد اور ڈیجیٹل رائٹس پی کے کو سال 2017 میں پ35ملین اور 2018 میں 37ملین روپے ملے۔
علی ظفر کا کہنا تھا کہ یہ وہی سال ہے جب پاکستان میں می ٹو نامی مہم بڑے زور شور سےشروع کی گئی، یہ ادارے معتبر بھی ہیں، اب سوال یہ ہے کہ یہ رقم کہاں استعمال ہوئی اور کیا آڈٹ ہوا؟
قبل ازیں گزشتہ سال اے آر وائی نیوز سے خصوصی گفتگو کرتے ہوئے علی ظفر کا کہنا تھا کہ سوشل میڈیا پر جعلی اکاؤنٹ کے ذریعے میری کردار کشی کی گئی، جعلی اکاؤنٹ سے ٹوئٹ کی گئی وہ اکاؤنٹس الزامات سے کچھ دن پہلے ہی بنائے گئے تھے۔
علی ظفر کا مزید کہنا تھا کہ نگہت داد خود کہتی ہے کہ میں میشا شفیع کے ٹوئٹر اکاؤنٹ کو فالو کرتی ہوں، نگہت داد کے متعلق مشہور ہے کہ انہوں نے فیک اکاؤنٹس کا سیل بنایا ہوا ہے۔
واضح رہے کہ گلوکارہ میشا شفیع کی جانب سے جنسی ہراسانی کا الزام لگائے جانے کے بعد گلوکار علی ظفر کے خلاف ٹوئٹس کرنے والی خاتون نگہت داد کی این جی او ڈیجیٹل رائٹس فاؤنڈیشن سے حکومت پاکستان نے سال2021 میں معاہدہ منسوخ کردیا تھا، نگہت داد کی این جی او پر پاکستان مخالف اداروں سے فارن فنڈنگ لینے کا الزام عائد کیا گیا تھا۔
سوشل میڈیا پرصارفین کی جانب سے شدید تنقید کے بعد نگہت داد اور ان کی این جی او کی ممبران کے دفاع میں میشا شفیع نے کہا تھا کہ علی ظفر کے خلاف ٹوئٹس سے نگہت داد اور ان کی این جی او کومنسلک کیا جارہا ہے اورسوشل میڈیا پر بیشتر الزامات کا نشانہ بنایا جارہا ہے جبکہ آڈٹ کے مطابق ڈیجیٹل رائٹس فاؤنڈیشن کو 2017 میں 3 کروڑ 50 لاکھ جبکہ 2018 میں 3 کروڑ 71 لاکھ سے زائد کے فنڈز ملے۔
