کراچی : پاکستان تحریک انصاف کے رہنما علی زیدی نے کہا ہے کہ الیکشن کمیشن کو اس طرح کا فیصلہ کرتے ہوئے شرم آنی چاہیے۔
کراچی میں میڈیا سے گفتگو کرتے ہوئے انہوں نے کہا کہ یہ لوگ منی لانڈرنگ کرکے پیسہ بیرون ملک لے کرگئے ہیں، عمران خان ملک کی بہتری کیلئے جنگ لڑرہا ہے۔
انہوں نے کہا کہ مریم نواز سزا یافتہ ہیں اور ضمانت پر باہر ہیں، وہ کابینہ میں بیٹھ کرباتیں کررہی ہیں، شرجیل میمن اشتہارات پر قوم کے دو ارب روپے خر چ کررہا ہے۔
علی زیدی نے کہا کہ ایک شخص نے27ہزار ڈالر کی فنڈنگ کی ان کا جوائنٹ اکاؤنٹ ہے، الیکشن کمیشن کہتا ہے اس میں ساڑھے13 ہزار ڈالرمنی لانڈنگ کے ہیں۔ الیکشن کمیشن کو اس طرح کا فیصلہ کرتے ہوئے شرم آنی چاہیے۔
ایک سوال کے جواب میں انہوں نے بتایا کہ وفاقی حکومت کے پیسوں سے ہم نے کراچی میں نالے بنوائے اور صاف کرکے دیئے، ہم سچ بول رہے ہیں جو ان کو برا لگ رہا ہے۔
مہنگائی سے متعلق ان کا کہنا تھا کہ لوگ بڑھتی ہوئی غربت سے مررہے ہیں اور مڈل کلاس ختم ہوچکی ہے، اگلا بحران گندم کا آنے والا ہے۔
علی زیدی نے کہا کہ عمران خان کی کال پر ملک بھر میں4بجے الیکشن کمیشن دفاتر کے سامنے پرامن احتجاج ہوگا، ہم عمران خان کے ساتھ کھڑے ہیں، آج شام عمران خان 7بجےخطاب کریں گے۔
انہوں نے کہا کہ ہم سب استعفے دے چکے ہیں تو یہ قسطوں میں کیوں منظور کررہے ہیں، سب کے سب استعفے ایک ساتھ منظور کریں۔
وہ وقت دور نہیں جب آصف زرداری جیل میں قیدیوں کیلئے کھانا پکائیں گے، آصف زرداری نے سندھ میں ظلم کیا ہے، بانی متحدہ بھی ظلم کیا کرتا تھا،اب کہاں ہے؟
