کراچی : تحریک انصاف کے رہنما علی زیدی نے کہا ہے کہ ایم کیوایم نے الیکشن سے فرار کا بہانہ بنایا، یہ لوگ میدان چھوڑ کر بھاگ گئے۔
یہ بات انہوں نے متحدہ قومی موومنٹ کی جانب سے کراچی اور حیدرآباد کے بلدیاتی انتخابات کے بائیکاٹ کے فیصلے پر اپنے ردعمل میں کہی۔
انہوں نے کہا کہ ٹوٹل 246یونین کونسلیں ہیں، ایم کیوایم کے پاس ان یو سیز کیلئے امیدوار ہی نہیں، ایم کیوایم نے الیکشن سے فرار کا بہانہ بنایا ہے۔
- Advertisement -
اے آر وائی نیوز سے گفتگو کرتے ہوئے علی زیدی کا کہنا تھا کہ تحریک انصاف کو کراچی اور حیدرآباد کا میئرمبارک ہو،ایم کیوایم کے بائیکاٹ کا فائدہ پی ٹی آئی کو ہوگا۔
تحریک انصاف کے رہنما نے کہا کہ پیپلز پارٹی اور ایم کیوایم والے ایک دوسرے کو قاتل اور را کا ایجنٹ کہا کرتے تھے، آج شیر وشکر ہیں۔
