کترینہ کیف اور رتیک روش کے بعد بالی وڈ کی صف اول کی اداکارہ عالیہ بھٹ نے بھی فلم ’بارہویں فیل‘ دیکھ لی۔
فلم دیکھنے کے بعد انسٹاگرام اکاؤنٹ پر عالیہ ’بارہویں فیل‘ کی تعریفوں کے پل باندھ دیے ہیں۔ اداکارہ کا کہنا تھا کہ اب تک میں نے جتنی فلمیں دیکھیں ان میں یہ سب سے خوبصورت فلم تھی۔
بالی وڈ کی سپراسٹار اداکارہ نے لکھا کہ میں نے کچھ عرصے میں جو فلمیں دیکھی ہیں ہپ سب سے خوبصورت فلموں میں سے ایک تھی! اداکاروں کی پرفارمنس شاندار تھی، صرف اتنا کہنا ہے کہ بہت خوبصورت!
انھوں نے لکھا کہ وکرانت میسی آپ اتنے متاثرکن ہیں کہ میں حیران ہوں۔ منوج کے سفر روح کو چھو لینے والا ہے۔ یہ بہت خاص فلم ہے ہر چیز دل کو چھو لینے والی ہے!
آخر میں عالیہ بھٹ نے فلم پروڈیوسر کی تعریف کرتے ہوئے کہا کہ ودھو ونود چوپڑا صاحب اس فلم نے واقعی اپنا نشان چھوڑا ہے! بہت متاثرکن اور ایک مکمل فلم ہے۔
اداکارہ نے لکھ کہ فلم کو دیکھنے کے بعد میں اس کی پوری کاسٹ اور عملے کی محبت میں گرفتار ہوچکی ہوں۔
واضح رہے کہ اس سے قبل رتیک روشن، کنگنا رناوت، کترینہ کیف جیسے اداکاروں نے بھی فلم ’بارہویں فیل‘ کو دیکھنے کے بعد اس کی کافی تعریف کی تھی۔
