بھارتی گلوکارہ الکا یاگنک 2022 میں یوٹیوب پر سب سے زیادہ سُنی جانے والی گلوکارہ ہونے کا اعزاز اپنے نام کرلیا ہے۔
رپورٹ کے مطابق انہوں نے دنیا کی مقبول ترین کورین بینڈ ،جس کے لیے نوجوان نسل دیوانی ہے، اسے مات دی۔
ٹائمز آف انڈیا کی رپورٹ کے مطابق گنیز بُک آف ورلڈ ریکارڈ نے الکا یاگنک کو 2022 میں یوٹیوب پر عالمی سطح پر سب سے زیادہ سُنی جانے والی گلوکارہ قرار دیا ہے۔
رپورٹس کے مطابق گزشتہ برس گلوکارہ کے گانوں کو 15.3 بلین بار سنا گیا جب کہ یومیہ اوسطاً 42 ملین اسٹریمز الکا یاگنک کے تھے۔
بھارتی گلوکارہ نے معروف امریکی ریپر ‘بیڈ بنی’ کو پیچھے چھوڑا جن کے 14.7 ملین بار گانے سنے گئے۔
یہی نہیں 2021 اور 2020 میں بھی الکا یاگنک کے بالترتیب 17.7 بلین اور 16.6 بلین مرتبہ گانے سُنے گئے۔
تاہم اب سر کا جال بکھرنے والی الکا نے بی ٹی ایس اور بلیک پنک جیسے بڑے میوزیکل بینڈز کو مات دیتے ہوئے سب سے زیادہ سُنے جانے والے گلوکاروں کی فہرست میں پہلے نمبر پر آ ئیں۔
