اسلام آباد : پولیس نے چیئرمین پی ٹی آئی عمران خان کی ہائیکورٹ پیشی کے دوران گرفتار تمام کارکنوں کو رہا کردیا، 23 کارکنان کو گرفتار کیا گیا تھا۔
تفصیلات کے مطابق چیئرمین پی ٹی آئی عمران خان کی ہائیکورٹ پیشی کے دوران گرفتار تمام کارکنوں کو رہا کردیا گیا۔
پولیس نے بتایا کہ پولیس نےہائیکورٹ کےاطراف سے 23افرادکوگرفتار کیاتھا،گرفتار افراد زبردستی عدالت کے اندر داخل ہو رہے تھے۔
یاد رہے چیئرمین تحریک انصاف کی عدالت میں پیشی کے موقع پر پرامن کارکنان کی گرفتاری کے معاملے پر رہنما اسد عمر نے حکومت سے مذاکرات کے آج کے دور کو گرفتار کارکنان کی فوری رہائی سےمشروط کردیا تھا۔
اسد عمر کا کہنا تھا کہ آج پھر اسلام آباد ہائیکورٹ کے باہر سے بے گناہ شہریوں کو گرفتار کیا جارہا ہے، حکومت سے آج مذاکرات کا دور تب تک شروع نہیں ہونا چاہئے جب تک بے گناہ لوگوں کوچھوڑا نہ جائے۔
