کراچی: آل پاکستان ٹیکسٹائل ملز ایسوسی ایشن نے حکومت سے مطالبہ کیا ہے کہ سندھ اور بلوچستان کو مطلوبہ 1450 ایم ایم سی ایف ڈی گیس فراہم کی جائے۔
تفصیلات کے مطابق آل پاکستان ٹیکسٹائل ملز ایسوسی ایشن (اپٹما) نے مطالبہ کیا ہے کہ سندھ اور بلوچستان کو مطلوبہ گیس فراہم کی جائے، 3600 ایم ایم سی ایف ڈی کا 85 فیصد سندھ اور بلوچستان دیتے ہیں۔
اپٹما نے شکوہ کیا کہ دیگر2صوبوں کو گیس پیداوار کا 33فیصد1050ایم ایم سی ایف ڈی دیا جارہا ہے، لیکن سندھ اور بلوچستان کو مطلوبہ گیس فراہم نہیں کی جارہی ہے۔
اپٹما کے مطابق کم دباؤ اور تعطل کے باعث کپڑے کی صنعت کی مشکلات میں اضافہ ہوگیا، گیس کی قیمت کو سابق 488 روپے فی ایم ایم بی ٹی یو پر لایا جائے۔
آل پاکستان ٹیکسٹائل ملز ایسوسی ایشن نے اپنے مطالبات کی منظوری پر زور دیا ہے۔
