لاہور : پٹرول پمپس مالکان نے پٹرولیم ڈیلرز کی ہڑتال کی کال پر کان نہ دھرا، شہر میں تمام پمپس معمول کے مطابق کھلے ہیں۔
تفصیلات کے مطابق ٹیکس میں اضافے کے خلاف پٹرولیم ڈیلرز ایسوسی ایشن کی ہڑتال پر ملاجُلاردعمل دیکھنے میں آیا، کہیں پیٹرول پمپس کھُلے تو کہیں بند ہیں۔
0.50 فیصد ایڈوانس ٹرن اوور ٹیکس کے خلاف پاکستان پٹرولیم ڈیلرز ایسوسی ایشن کی کال لاہور کے پیٹرول پمپوں نے ہوا میں اڑا دی۔
لاہور کے پیٹرول پمپ مالکان نے ہڑتال کی کال پر کان نہ دھرے اور تمام پمپس میں معمول کے مطابق پٹرول فراہم کررہے ہیں۔
پٹرولیم ڈیلرایسوسی ایشن نے اپنے عہدیدار کی وفات کے باعث اسلام آباد اور راولپنڈی میں ہڑتال کی کال واپس لے لی اور کوئٹہ، پشاور اور ملتان میں کچھ پیٹرول پمپ بند تو کچھ معمول کے مطابق کھلے ہیں جبکہ ملاکنڈ، لوئردیراورمانسہرہ میں بند ہیں۔
کراچی میں اِکا دُکا پیٹرول پمپ کھُلے ہیں ، جہاں شہری پٹرول کے حصول کیلیے پریشان نظر آئے۔
