عالمی کپ میں پاکستان کرکٹ ٹیم کے آل راؤنڈرز کی پرفارمنس نے سابق کرکٹرز اور اسپورٹس تجزیہ کاروں کو چراغ پا کردیا۔
اے آر وائی کے اسپورٹس پروگرام میں اظہار خیال کرتے ہوئےسابق کرکٹرز اور اسپورٹس رپورٹر کا کہنا تھا کہ دنیا کے آل راونڈرز دیکھیں اورپاکستان ٹیم کے آل راؤنڈر دیکھیں۔ دیگر ٹیموں کے آل راؤنڈرز پورے پورے میچ کا نقشہ بدل دیتے ہیں۔
اس موقع پر شعیب جٹ نے کہا کہ ہم سب کا نام لیتے ہیں بابر اعظم پر بڑی تنقید کرتے ہیں، حارث رؤف پر تنقید کرتے ہیں۔ شاہین پرفارم نہیں کررہا ہوتا اس پر بات کرتے ہیں باقیوں پر بھی بات کرتے ہیں مگر محمد نواز پر بات نہیں کرتے۔
آپ کو محمد نواز کا انڈیا کے خلاف بھی ٹی ٹوئنٹی کا ایک اوور یاد ہوگا، اس کے بعد ایشیا کپ میں بھی دیکھ لیں اور اب بھی آپ دیکھ لیں جو کل ہوا یہ تو تین بڑے میچز تھے۔
اگر ہم ورلڈکپ کی بات کریں تو اس ایونٹ میں محمد نواز جو کہ آل راؤنڈر ہیں انھوں نے پانچ میچز کھیل کر 81 رنز بنائے ہیں اور 223 رنز دے کر صرف ہمیں 2 وکٹیں لے کر دی ہیں، انھوں نے جتنے رنز دیے اس کے آدھے ہی بنا لیتے۔
ایشیا کپ میں محمد نواز نے مجموعی طور پر 12 رنز بنائے تھے اور 94 رنز دے کر ایک کھلاڑی کو آؤٹ کیا تھا، مجھے سمجھ نہیں آتا کہ یہ کس طرح کے آل راؤنڈر ہیں۔
دنیا کے آل راونڈرز دیکھیں اور ہمارے دیکھیں۔۔۔ شعیب جٹ محمد نواز کی کارکردگی پر برس پڑے#ARYNews pic.twitter.com/PR422qVBiQ
— ARY NEWS (@ARYNEWSOFFICIAL) October 28, 2023
اس پر میزبان نے لقمہ دیتے ہوئے کہا کہ آپ یہ بات کررہے ہیں کہ دنیا کے آل راؤنڈر دیکھیں اور ہمارے آل راؤنڈر دیکھیں۔
اس پر شعیب جٹ نے کہا کہ آپ دنیا کے دیگر آل راؤنڈرز کو دیکھیں تو وہ پورے پورے میچ کا نقشہ بدل دیتے ہیں۔ نیدر لینڈز کے ٹیل اینڈرز اس سے زیادہ اسکور کرجاتے ہیں۔ آل راؤنڈر کے نام پر ہم نے ان کو 8 میچز کھلادیے ہیں۔
