صوبائی وزیر اطلاعات شرجیل میمن نے کہا ہے کہ بلدیاتی اداروں کو تمام پارکنگ ختم کرنے کا کہا ہے سندھ میں جتنی پارکنگ ہیں وہ غیر قانونی چلارہے ہیں۔
حیدرآباد میں گفتگو کرتے ہوئے انہوں نے کہا کہ پیپلزپارٹی ایم کیو ایم کی طرح سیاست نہیں کر رہی ہم نے کراچی میں بھتہ خوری اور بوری بندلاشوں کا کلچرختم کرایا، سندھ میں بھائی سے بھائی کو لڑانے کی سازشیں بند کرا دیں۔
ان کا کہنا تھا کہ خالد مقبول اپنے ہوش حواس میں نہیں ہیں ایم کیو ایم کے ٹکڑے ہونے کے بعد خالد مقبول ملنگ کی طرح گھومتے ہیں۔
وزیر اطلاعات نے واضح کیا کہ پیپلزپارٹی کا کینال پر واضح موقف ہےکہ نہیں بننےچاہیے صدرمملکت نےمشترکہ اجلاس میں واضح موقف دیا صدرمملکت نےکہا دریائے سندھ پرنئی نہریں نہیں بننی چاہئیں، سندھ اسمبلی میں کنالزکےخلاف تاریخی قرارداد منظور کی گئی پیپلزپارٹی دریائے سندھ کا ایک انچ پانی بھی کم نہیں ہونے دے گی پانی کی تقسیم کے لئے نئے پروجیکٹ لائے جا رہے ہیں۔
ان کا کہنا تھا کہ پیپلزپارٹی خدمت کی سیاست پر یقین رکھتی ہے جب مشرف نےکالاباغ ڈیم کیلئےمہم چلائی توفنکشنل لیگ نےحمایت کی، مردہ گھوڑے نہروں کے مسئلے پر سیاست کرنا چاہتے ہیں جی ڈی اے والے نہروں کے بہانے سے سیاست کرنا چاہتے ہیں۔
