حیدر آباد مین کسٹمز حکام نے اسٹیل ری رولنگ ملز کی 3.5 ارب روپے کی مبینہ منی لانڈرنگ پکڑی ہے۔
تفصیلات کے مطابق دستاویزات میں بتایا گیا کہ حیدر آباد کی اسٹیل ری رولنگ ملز نے 70 کروڑ کا ٹیکس چوری کیا ہے، ایچ ایس جے کمپنی نے 14 ہزار 392 میٹرک ٹن خام سریا امپورٹ کیا، خام سریا کی امپورٹ پر ٹیکس کسٹمز کی سہولت کے تحت ادا نہیں کیا۔
دستاویز میں بتایا گیا کہ سریے کی امپورٹ میں کسٹمز نے مینوفیکچرنگ بانڈ کے تحت ٹیکس مؤخر کیا، ملز کو امپورٹ اور سریا بنانے کے بعد ٹیکس ادا کرنے کی سہولت دی گئی تھی۔
لیکن ایچ ایس جے نے سریا تیار کر کے کمپنی کے تعمیرات پراجیکٹ میں لگا دیا، تعمیرات کمپنی میں سریا فروخت کیا لیکن 70 کروڑکا ٹیکس ادا نہیں کیا۔
کسٹمز دستاویز میں مزید بتایا گیا کہ مبینہ طورپر 70 کروڑ روپے کا ٹیکس فراڈ ہوا، ٹیکس فراڈ کیساتھ منافع اور مالیت سمیت 3.5 ارب روپے کی بلیک منی کی گئی، مبینہ طور پر 3.5 ارب روپے کے کالادھن منی لانڈرنگ کے ذریعے چھپایا گیا۔
