ساؤتھ فلم انڈسٹری کے سپر اسٹار الو ارجن کی ’پشپا 2: دی رول‘ کی اسکریننگ کے دوران ایک اور مداح کی موت ہوگئی۔
بھارتی میڈیا رپورٹ کے مطابق رایادرگام میں ساؤتھ فلم انڈسٹری کے اسٹار اداکار الو ارجن کی فلم پشپا 2 کی نمائش کے دوران ایک اور مداح چل بسا جس سے بڑے پیمانے پر تشویش پھیل گئی ہے۔
بھارت پولیس کے مطابق متوفی کی شناخت 35 سالہ ہریجن مدھناپ کے نام سے ہوئی ہے، ہریجن دوپہر 2:30 بجے کے قریب رایادرگام میں اسکریننگ میں شرکت کی، تاہم وہ شام 6 بجے کے قریب تھیٹر کے عملے کو مردہ حالت میں ملا۔
View this post on Instagram
پولیس کا مزید کہا ہے کہ مذکورہ شخص مبینہ طور پر نشے کی حالت میں آیا اور تھیٹر کے اندر مسلسل شراب پیتا رہا، ہریجن مدھناپ 4 بچوں کا باپ اور شراب نوشی کی لت میں مبتلا تھا۔
بھارتی پولیس کا کہنا ہے کہ پولیس اس معاملے میں بھارتی ایکٹ کی دفعہ 194 کے تحت مقدمہ درج کر کے مزید تحقیقات کررہی ہے۔
الو ارجن کیخلاف خاتون کی ہلاکت کا مقدمہ درج
واضح رہے کہ اس سے قبل بھارت کے شہر حیدرآباد میں کافی انتظار کے بعد جب پشپا 2 ریلیز ہوئی تو الو ارجن خود بھی حیدر آباد کے سندھیا تھیٹر پر پریمیئر کے دوران پہنچے، جہاں بھگدڑ مچنے سے ایک خاتون دم گھٹ کر ہلاک ہوگئی تھی۔
