The news is by your side.

Advertisement

سونے کی فی تولہ قیمت میں حیرت انگیز کمی

کراچی: تین دن قبل ملک میں سونے کی قیمتیں تاریخ کی بلند ترین سطح پر پہنچنے کے بعد آج سونے کی فی تولہ قیمت میں حیرت انگیز کمی آ گئی ہے۔

تفصیلات کے مطابق گزشتہ دنوں ملک میں سونے کی قیمتوں میں مسلسل اضافے کا رجحان رہا، تاہم آج سونے کی فی تولہ قیمت میں 500 روپے کی کمی ہو گئی ہے۔

پاکستان جیولرز ایسوسی ایشن کے چیئرمین محمد ارشد نے بتایا کہ سونے کی نئی قیمت 70 ہزار روپے فی تولہ ہو گئی۔

جب کہ 10 گرام سونے کی قیمت میں 428 روپے کمی ہو گئی ہے جس کے بعد دس گرام سونے کی نئی قیمت 60013 روپے ہو گئی ہے۔

چیئرمین جیولرز ایسوسی ایشن کا کہنا ہے کہ انٹرنیشنل مارکیٹ میں 23 ڈالر کی کمی کے بعد سونا 1295 ڈالر کی سطح پر آ گیا ہے، جس کے بعد مقامی سطح پر بھی سونے کی قیمتوں میں کمی آئی۔

یہ بھی پڑھیں:  پاکستان میں سونے کی قیمتیں تاریخ کی بلند ترین سطح پر، فی تولہ 70400 روپے کا ہو گیا

یاد رہے کہ 25 مارچ کو پاکستان میں سونے کی قیمت تاریخ کی بلند ترین سطح پر پہنچ گئی تھی، جب 150 روپے کے اضافے سے فی تولہ سونے کی قیمت 70400 روپے ہوئی۔

10 گرام سونے کی قیمت میں 128 روپے اضافے کے بعد دس گرام سونے کی قیمت 60356 روپے ہو گئی تھی، جب کہ انٹرنیشنل مارکیٹ میں سونا 06 ڈالر اضافے کے بعد 1319 ڈالر فی اونس کی سطح پر آ گیا تھا۔

Comments

comments

یہ بھی پڑھیں