ریاض: امریکی ای کامرس کمپنی ایمازون، سعودی عرب میں مقامی بزنس کے لیے لاکھوں نئے صارفین تک رسائی آسان بنا رہی ہے۔
اردو نیوز کے مطابق ایمازون نے مملکت بھر میں اپنے گلوبل رجسٹریشن سسٹم کا آغاز کر کے سعودی بزنس کے لیے لاکھوں نئے صارفین تک رسائی کو آسان بنا دیا ہے۔
بیبان 2023 ایونٹ کے موقع پر ایمازون کے سعودی کنٹری منیجر عبدو چلالہ نے کہا کہ ایمازون گلوبل رجسٹریشن سسٹم مملکت میں چھوٹے اور درمیانے درجے کے کاروبار کے اداروں کو ترقی کرنے کے قابل بنائے گا۔
انہوں نے کہا کہ ایمازون گلوبل رجسٹریشن سے اب مملکت میں ایک سادہ رجسٹریشن کے ساتھ انہیں عالمی سطح پر دستیاب 21 ایمازون سٹورز تک رسائی حاصل ہے۔
عبدو چلالہ نے کہا کہ گلوبل رجسٹریشن سسٹم کے ذریعے فروخت کنندگان کا ایکسپوژر اب چند ملین صارفین کی پہنچ سے پوری دنیا میں کروڑوں تک پہنچ جائے گا، یہ فروخت کنندگان کو دنیا بھر کے صارفین کے ردعمل کے بارے میں بھی جاننے کے قابل بناتا ہے۔
انہوں نے مزید کہا کہ کمپنی فروخت کنندگان کو ایسے ٹولز فراہم کرتی ہے جو آن بورڈنگ کے عمل کو آسان بناتے ہیں اور بالآخر ایمازون پر فروخت کرتے ہیں۔
کنٹری مینیجر کا مزید کہنا تھا کہ ہمارے پاس ایمازون سیلر سینٹرل بھی ہے جو فروخت کنندگان کے لیے معلومات کا مرکز اورانہیں ہر ان پٹ پر مکمل اور جامع تفہیم فراہم کرتا ہے۔
سیلر سینٹرل یونٹس، انوینٹری اور قیمتوں کے بارے میں معلومات فراہم کرنے کے علاوہ فروخت کنندگان کو زیادہ سے زیادہ صارفین تک پہنچنے اور ان کی مصروفیت بڑھانے کے لیے سفارشات بھی فراہم کرتا ہے۔
ایمازون نے 2022 میں سعودی عرب کی سمال اینڈ میڈیم انٹر پرائزز جنرل اتھارٹی کے ساتھ مفاہمت کی ایک یادداشت پر دستخط کیے تھے جس کا بنیادی مرکز 45 ہزار سمال اینڈ میڈیم انٹر پرائزز کو سپورٹ کرنا اور انہیں ایما زون پر فروخت کرنے کے قابل بنانا ہے۔
