مجھ پر نیب کا کوئی کیس نہیں، وزیراعظم کا مشکورہوں، امیر محمد جوگیزئی -
The news is by your side.

Advertisement

مجھ پر نیب کا کوئی کیس نہیں، وزیراعظم کا مشکورہوں، امیر محمد جوگیزئی

کوئٹہ : نامزد گورنر بلوچستان ڈاکٹر امیر محمد جوگیزئی نے کہا ہے کہ میرےخلاف نیب میں کوئی کارروائی نہیں چل رہی، اپنی نامزدگی پر عمران خان، پی ٹی آئی اور دوستوں کا مشکور ہوں۔

یہ بات انہوں نے کوئٹہ میں میڈیا سے گفتگو کرتے ہوئے کہی۔ ڈاکٹر امیر محمد جوگیزئی نے کہا کہ منصب سنبھالنے کے بعد خان صاحب کے وژن کو لے کر آگے بڑھیں گے، بلوچستان میں صحت پرخاص توجہ دی جائے گی۔

بلوچستان میں تعلیم اور صحت پر مزید کام کیا جائے گا، وزیراعظم عمران خان کے وژن پرمکمل عمل کروں گا،امیرمحمد جوگیزئی نے واضح کیا کہ میرے خلاف نیب میں کوئی کارروائی نہیں چل رہی، اس حوالے سے میڈیا میں چلنے والی خبریں بے بنیاد ہیں۔

واضح رہے کہ وزیر اعظم عمران خان نے ڈاکٹر امیر محمد جوگیزئی کو گورنر بلوچستان نامزد کیا ہے، اس اعلان کے بعد میڈیا پر ان کے حوالے سے مختلف خبریں گردش کررہی ہیں جس میں کہا گیا ہے کہ نامزد گورنر بلوچستان کیخلاف قومی احتساب بیورو کی تحقیقات آخری مراحل میں ہیں اور ان کیخلاف جلد ریفرنس دائر کئے جانے کا بھی امکان ہے۔

مزید پڑھیں: وزیراعظم نے ڈاکٹرامیر محمد جوگزئی کو گورنر بلوچستان نامزد کردیا

ذرائع کے مطابق ڈاکٹر امیر محمد جوگیزئی پر بحیثیت سی ای او کڈنی سینٹر کے طبی آلات اور سامان کی خریداری کے فنڈز میں خرد برد کا الزام ہے۔

Comments

comments

یہ بھی پڑھیں