آرمی چیف جنرل قمر جاوید باجوہ سے امریکی وفد نے ملاقات کی جس میں باہمی دلچسپی، علاقائی سیکیورٹی اور دو طرفہ تعاون پر تبادلہ خیال کیا گیا۔
آئی ایس پی آر کے مطابق ملاقات کے دوران دونوں جانب سے دفاعی اور سیکیورٹی تعاون کو وسعت دینے پر اتفاق کیا گیا جب کہ وفد نے سیلاب کی تباہ کاریوں پر گہرے رنج وغم اور متاثرہ خاندانوں سے دلی افسوس کا اظہار کیا۔
اس موقع پر آرمی چیف جنرل قمر جاوید باجوہ نے کہا کہ پاکستان امریکا کے ساتھ روایتی باہمی رابطے استوار رکھنے کا خواہاں ہے اور کثیرالنوعیت تعلقات کا فروغ چاہتا ہے،آرمی چیف نے بطور گلوبل پارٹنر امریکی تعاون پر اظہار تشکر بھی کیا۔
آئی ایس پی آر کے مطابق ملاقات کے دوران امریکی وفد نے علاقائی استحکام کے لیے پاکستان کے کردار کو سراہا۔
Comments
- Advertisement -
