تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امیتابھ بچن نے کرپٹو کرنسی میں بھی کروڑوں روپے کمالیے، جانیے کیسے؟

ممبئی : بھارت کے میگا اسٹار امیتابھ بچن نے کرپٹوکرنسی سے کمائی میں بھی سب کو پیچھے چھوڑ دیا، صرف ڈھائی سال میں کروڑوں روپے کمالیے۔

غیر ملکی خبر رساں ادارے کی ایک رپورٹ کے مطابق اداکار نے اپنے بیٹے ابھیشیک بچن کے ساتھ مل کر سنگاپور کی ایک میریڈین ٹیک پی ٹی ای نامی کمپنی میں لگ بھگ2لاکھ 50ہزار ڈالر کی سرمایہ کاری کی۔

اس کمپنی کو وینکٹا سری نواس میناولی نے قائم کیا تھا، سرمایہ کاری نے ڈھائی سال کی مدت میں 17.5 ملین ڈالرز کا منافع دیا۔

رپورٹ کے مطابق یہ واحد کرپٹو سرمایہ کاری نہیں تھی جس نے امیتابھ بچن کو بھاری منافع دیا، اداکار کی دوسری سرمایہ کاری میں بھی بہت مالی فائدہ ہوا۔

امیتابھ بچن نے "جسٹ ڈائل” میں اپنی سرمایہ کاری پر 10.2% منافع حاصل کیا، جس سے صرف چار مہینوں میں آئی این آر6.27 ملین سے بڑھ کر70 ملین روپے بن گئے،انہوں نے 2013 میں جسٹ ڈائل کے 62,794 شیئرز خریدے تھے۔

اس وقت دنیا میں دو طرح کے لوگ ہیں پہلے وہ لوگ جو کرپٹو کرنسی کے ذریعے پیسہ کما رہے ہیں اور دوسرے جو ابھی تک یہ سمجھنے کے لیے جدوجہد کر رہے ہیں کہ سرمایہ کاری کا یہ نظام کیسے کام کرتا ہے۔

پاکستانیوں کے لیے حال ہی میں کرپٹو کرنسی اس وقت زیرِ بحث آئی جب ٹی وی کے میزبان اور کرپٹو کے شوقین وقار ذکاء نے لوگوں کو بٹ کوائن نیٹ ورک کے کام کو سمجھانے کے لیے خوب محنت کی۔

اگرچہ بہت سے لوگوں نے پہلے ان کا مذاق اڑایا ہوگا، ایسا لگتا ہے کہ آخر کار ان کے پاس ایک نقطہ تھا اور یہی نکتہ بالی ووڈ کے سپر اسٹار امیتابھ بچن کی سرمایہ کاری میں بھاری منافع کا ثبوت ہے۔

Comments

- Advertisement -