کراچی: اے آر وائی کے ہیڈ آف نیوزعماد یوسف نے تمام الزامات سے بری ہونے کے بعد مشکل وقت میں سپورٹ کرنے والوں سے اظہار تشکر کیا۔
تفصیلات کے مطابق اے آر وائی کے ہیڈ آف نیوز عماد یوسف نے الزامات سے بری ہونے پر وکٹری کا نشان بنایا اور مشکل وقت میں اےآروائی نیوز کو سپورٹ کرنے والوں کا شکریہ ادا کیا۔
یاد رہے آج اےآروائی نیوز ہیڈعماد یوسف کو ملیر کورٹ میں پیش کیا گیا ، جہاں پولیس کی جانب سے ریمانڈ کی استدعا کی گئی جس پر ان کے وکیل نعیم قریشی نے مخالفت کرتے ہوئے موقف اپنایا کہ عماد یوسف کیخلاف مقدمہ بےبنیاد ہے، بتایاجائے کہ عماد یوسف کا کیا کردارہے؟
مزید پڑھیں : ہیڈ آف نیوز اے آر وائی عماد یوسف کے خلاف کیس ختم، الزامات سے بری
نعیم قریشی ایڈووکیٹ نے کہا کہ ٹی وی چینل کی نشریات کی شکایت ہے تو پیمرا کو مدعی ہونا چاہیے تھا، عدالت میں پیش مواد میں عماد یوسف کے خلاف الزامات کا کوئی ثبوت نہیں۔
بعد ازاں عدالت نے پولیس کی استدعا مسترد کی اور اے آروائی کے ہیڈ آف نیوزعماد یوسف کی ضمانت منظور کرلی۔
عدالت نے اےآروائی کے ہیڈ آف نیوزعماد یوسف کے خلاف کیس ختم کرتے ہوئے الزامات سے بری کردیا
