اسلام آباد : رئیل اسٹیٹ سیکٹر کیلئے قومی اسمبلی کی قائمہ کمیٹی برائےخزانہ کی ذیلی کمیٹی نے ایمنسٹی اسکیم سے متعلق سفارشات منظور کرلی جبکہ حتمی منظوری کیلئے جلد پارلیمنٹ میں پیش کی جائیں گی۔
تفصیلات کے مطابق قومی اسمبلی کی قائمہ کمیٹی برائے خزانہ اجلاس ہوا ، قومی اسمبلی کی قائمہ کمیٹی برائے خزانہ کی ذیلی کمیٹی نے تمام معاملے کا جائزہ لیکر رئیل اسٹیٹ سیکٹرکو ریلیف دینے کی سفارشات منظورکرلی ہیں۔
اسکیم کے تحت جس کے تحت جائیداد کی خرید و فروخت میں لگے کالے دھن کو سفید کرنے کا موقع دیا جائیگا اُور ذرائع آمدن بھی نہیں پوچھے جائیں گے۔
تاہم اس کے لئے ڈپٹی کمشنر اور ایف بی آر کے مقرر کردہ پراپرٹی ریٹس کےدرمیان فرق کا تین فیصد ٹیکس ادا کرنا ہوگا، منظور کردہ سفارشات پر رئیل اسٹیٹ سیکٹر کو ریلیف دینے کا بل جلد پارلیمنٹ میں منظوری کیلئے پیش کیا جائیگا۔
مزید پڑھیں : پراپرٹی سیکٹرکیلئے ٹیکس ایمنسٹی اسکیم لانے کا فیصلہ
دوسری جانب رئیل اسٹیٹ شعبے کے نمائندوں کی جانب سے ایک فیصد ٹیکس کی ادائیگی پر کالا دھن سفید کرنے کیلئے ایمنسٹی اسکیم جاری کرنے کا مطالبہ مسترد کردیا گیا ہے۔
خیال رہے کہ فیڈرل بورڈ آف ریونیو نےرئیل اسٹیٹ سیکٹر کیلئے ٹیکس ایمنسٹی اسکیم جاری کرنے کی مخقالفت کردی۔
گزشتہ روز رئیل اسٹیٹ سیکٹر کیلئے ایمنسٹی اسکیم جاری کرنے کی خبروں کے بعدآج ایف بی آر نے کوئی بھی اسکیم لانے سے انکار کر دیا ہے ، ایف بی آر کا کہنا ہے کہ رئیل اسٹیٹ سیکٹر کو جتنی مراعات دی جا سکتی تھیں وہ دے دی گئی ہیں۔
رئیل اسٹیٹ شعبے کے نمائندوں کی جانب سے ایک فیصد ٹیکس کی ادائیگی پر کالا دھن سفید کرنے کیلئے ایمنسٹی اسکیم جاری کرنے کا مطالبہ مسترد کردیا گیا ہے۔
