ترکی میں ایک معذور گلہری کو مصنوعی پنجے لگا دیے گئے۔ مصنوعی جسمانی اعضا حاصل کرنے والی یہ دنیا کی پہلی گلہری ہے۔
یہ کام ترکی کی استنبول عدن یونیورسٹی کے ایک انجینیئر نے سرانجام دیا۔ گلہری جانوروں کے شکار کے لیے لگائے جانے والے ایک پھندے میں پھنس کر اپنے اگلے پنجے گنوا بیٹھی تھی۔
مذکورہ انجینیئر کو اتفاقاً ملنے کے بعد اس نے گلہری کو مصنوعی ٹانگیں لگانے کا فیصلہ کیا۔ بعد ازاں ایک سرجری کے ذریعے اس گلہری کو مصنوعی پنجے لگا دیے گئے۔
ان پنجوں میں پہیے بھی نصب ہیں جس کی وجہ سے گلہری کا چلنا پھرنا آسان ہوگیا ہے۔ مصنوعی جسمانی اعضا پانے والی یہ دنیا کی پہلی گلہری ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
