The news is by your side.

Advertisement

وہ درگاہ جہاں‌ انسانوں کو بچھو نہیں‌ کاٹتے

لکھنو : بھارتی ریاست اترپردیش میں ایک ایسی درگاہ موجود ہے جہاں بچھو پائے جاتے ہیں لیکن یہ بچھو کسی کو نقصان نہیں پہنچاتے۔

تفصیلات کے مطابق بھارت ریاست اتر پردیش کے شہر امروہہ میں ایک بزرگ کا مزار واقع ہے جہاں برسوں سے دنیا کے سب سے زہریلے بچھو موجود ہیں لیکن اس کے باوجود تمام مذاہب کے زائرین کا تانتا وہاں بندھا رہتا ہے۔

امروہہ میں واقع درگاہ پوری ریاست اتر پردیش اور اترکھنڈ میں بچھو والی درگاہ کے نام سے مشہور ہے، اس درگاہ پر ہر مذہب کے لوگ اپنی مرادیں لے کر آتے ہیں اور دعائیں اور منتیں مانگتے ہیں۔

ایک رپورٹ کے مطابق اس درگاہ کی خاص بات یہ ہے کے بابا شاہ ولایت کی درگاہ پر رہنے والے بچھو انسانوں کو نہیں کاٹتے نہ ہی انسان ان بچھوں کو مارتے ہیں۔


درگاہ پر آنے والے زائرین بچھووں کو اپنے ہاتھ میں لے کر بہت ہی نزدیک سے ان کو دیکھتے ہیں، یہاں سب سے زہریلا کہا جانے والا بچھو ہاتھ میں لیے جانے کے بعد بھی ڈنک نہیں مارتا۔

درگاہ کے خادم حسن عابدی نے میڈیا کو بتایا کہ وہ بابا شاہ ولایت کی درگاہ پر پچھلے آٹھ برس سے دیکھ بھال میں مصروف ہیں اور ان 8 آٹھ برسوں میں یہ معجزہ کئی مرتبہ دیکھ چکے ہیں کہ لوگ آتے ہیں اور اپنے ہاتھوں پر بچھو بٹھاتے ہیں۔

fb-share-icon0
Tweet 20

Comments

comments

یہ بھی پڑھیں