The news is by your side.

Advertisement

عید الفطر کی تعطیلات: کراچی کے تفریحی مقامات پر شہریوں کی ریکارڈ تعداد میں آمد

کراچی: صوبہ سندھ کے دارالحکومت کراچی کے تفریحی مقامات پر عید الفطر کی تعطیلات کے دوران شہریوں کی ریکارڈ تعداد میں آمد ہوئی۔

تفصیلات کے مطابق عید الفطر کی تعطیلات کے دوران کراچی میں صرف 5 تفریحی مقامات پر مجموعی طور پر 1 لاکھ سے زائد شہری پہنچے۔

پیپلز اسکوائر پر عید تعطیلات کےدوران یومیہ 23 ہزار افراد آئے، کراچی چڑیا گھر میں 3 تا 8 مئی 24 ہزار 930 بچوں اور 65 ہزار 283 بالغ افراد پہنچے۔

پرانی سبزی منڈی کے قریب پارک میں دوران تعطیلات 9 ہزار سے زائد خاندان آئے، کے ایم سی کے عمومی پارکس میں عید کے 3 دن 2 لاکھ سے زائد افراد آئے۔

کراچی کے منوڑہ بیچ پارک کو سب سےزیادہ پسند کیا گیا، علاوہ ازیں سفاری پارک میں 15 ہزار 146 افراد نے تعطیل کا دن گزارا۔

Comments

یہ بھی پڑھیں