کراچی میں 12 سالہ طالبہ کو اغوا کرنے کی کوشش ناکام بنا دی گئی۔
تفصیلات کے مطابق واقعہ ملیر جعفر طیار سوسائٹی میں پیش آیا جہاں مبینہ طور پر بچی کے اغوا کی کوشش ناکام بنائی گئی۔
اہلِ علاقہ کا کہنا ہے کہ اسکول سے گھر جانے والی 12 سالہ بچی کو اغوا کرنےکی کوشش کی جارہی تھی کہ مشکوک جان کر مکینوں نے ملزم کو پکڑ لیا۔
گھناؤنی حرکت پر شہری مشتعل ہوگئے اور ملزم کو شدید تشدد کا نشانہ بنانے کے بعد پولیس کے حوالے کر دیا۔
پولیس کا کہنا ہے کہ اطلاع ملنے پر ملزم کو پکڑ کے تھانے لایا گیا ہے اور معاملے کی تفتیش جاری ہے۔ پولیس نے بچی کے اہل خانہ کو بھی تھانے بلوایا ہے اور ملزم سے متعلق پوچھ گچھ کی جارہی ہے۔
Comments
- Advertisement -
