لاہور ہائیکورٹ نے عمران خان کو پارٹی چیئرمین سے ہٹانے کے نوٹس پر الیکشن کمیشن کو روکنے کا عبوری حکم جاری کر دیا۔
عدالت نے واضح ہدایت کی ہے کہ آئندہ سماعت تک الیکشن کمیشن عمران خان کیخلاف کارروائی نہ کرے۔
جسٹس جوادحسن نے آئینی نکات کی تشریح کےلیے سوالات وضع کر دیئے ہیں۔ عدالت نے نکتہ اٹھایا ہے کہ کیا الیکشن کمیشن آرٹیکل218 کی روشنی میں ڈیکلریشن جاری کر سکتا ہے؟ کیا لفظ ڈیکلریشن آرٹیکل218 تھری اور 219 کے تحت کنڈکٹ اور آرگنائز میں آتا ہے کیا الیکشن کمیشن کاڈیکلریشن جاری کرنےکااختیارایکٹ میں دیاگیا ہے؟
ہائیکورٹ نے عبوری حکم میں کہا ہے کہ وکلا نکات پرعدالت کی آئندہ سماعت پرمعاونت کریں، اٹارنی جنرل اور ایڈووکیٹ جنرل کومعاونت کیلئےالگ نوٹس کررہےہیں۔
عبوری حکم کے مطابق الیکشن کمیشن اور دیگر فریقین کو 11 جنوری کےلیےنوٹس جاری کر رہے ہیں الیکشن کمیشن نے نوٹس وصول کرلیے،نئےفریق کےسرکاری وکیل نےنوٹس وصول کیا۔
