The news is by your side.

Advertisement

کراچی میں بارشوں سے تباہی کا حال ”ففٹی ففٹی” کی پرانی ویڈیو وائرل

کراچی: شہر قائد میں بارشوں سے ہونے والی تباہی کا حال آج سے تیس سال پہلے پی ٹی وی کے پروگرام ”ففٹی ففٹی” میں بتا دیا گیا تھا۔

تفصیلات کے مطابق ملک بھر میں بارشوں کا سلسلہ جاری ہے لیکن صوبائی دارالحکومت کراچی میں حکومت کی بے حسی اور بد انتظامی کے باعث بارش نے تباہی مچا دی ہے،بارش کے بعد سڑکیں اور گلیاں پانی میں ڈوبی ہوئی ہیں، نظام زندگی مفلوج ہونے سے لوگ مسائل سے دوچار ہیں۔

کیا کراچی میں تیس سال پہلے بھی بارشوں کے بعد یہی حال ہوتا تھا؟ پی ٹی وی کے مقبول ترین پروگرام ”ففٹی ففٹی” کی مزاحیہ خبروں میں بھی کراچی کا احوال کچھ اسی طرح پیش کیا گیا تھا۔

1980 کی دہائی میں پاکستان کے قومی چینل پی ٹی وی سے پیش کیے جانے والا مزاحیہ پروگرام ففٹی ففٹی نہ صرف پاکستان بلکہ دنیا بھر میں شوق سے دیکھا جاتا تھا اور اس کے پسند کرنے والوں میں صرف عوام ہی نہیں بلکہ اس وقت کے حکمران بھی اسے شوق سے دیکھتے تھے۔

مزاحیہ پروگرام ففٹی ففٹی میں نامور اداکار ماجد جہانگیر،اسماعیل تارا،زیبا شہناز،اشرف خان،لطیف کپاڈیا اور اس وقت کے دیگر سینئر اداکاروں نے اس پروگرام میں اپنے فن سے لوگوں کو خوب محظوظ کیا۔

کراچی میں مون سون بارشوں کا 36 سالہ ریکارڈ ٹوٹ گیا

واضح رہے کہ شہر قائد میں اگست کے مہینے کے دوران مون سون بارشوں کا 36 سالہ ریکارڈ ٹوٹ گیا۔

محکمہ موسمیات کے مطابق کراچی میں اگست کے مہینے میں مون سون بارشوں کا 36 سالہ ریکارڈ ٹوٹ گیا، اس سے قبل فیصل بیس میں سب سے زیادہ بارش 1984 میں 298.4 ملی میٹر ریکارڈ کی گئی تھی۔

محکمہ موسمیات کے مطابق رواں ماہ اگست میں اب تک فیصل بیس میں 345 ملی میٹر بارش ریکارڈ کی گئی۔

Comments

یہ بھی پڑھیں