site
stats
انٹرٹینمںٹ

یہ عشق: انعم احمد مرکزی کردار میں جلوہ گر

معروف گلوکار گوہر ممتاز کی اہلیہ انعم احمد ماڈلنگ کے بعد اب اداکاری کے میدان میں بھی اپنی صلاحیتوں کے جوہر دکھانے جارہی ہیں۔ ان کا ڈرامہ ’یہ عشق‘ رواں ہفتے سے اے آر وائی ڈیجیٹل پر نشر کردیا جائے گا۔

اے آر وائی ڈیجیٹل کا نیا ڈرامہ یہ عشق ہمارے معاشرے کے اس پہلو کی طرف اشارہ کرتا ہے کہ آج کے جدید دور میں بھی نوجوان اپنی زندگی کے اہم فیصلوں کو اپنی خواہش کے برخلاف قبول کرنے پر مجبور ہیں۔

ڈرامے کی کہانی محبت کی روایتی داستان پر مشتمل ہے جس میں دو محبت کرنے والوں کو اپنے گھر والوں کی خاطر علیحدہ ہونا پڑتا ہے۔

ڈرامے کے مرکزی کردار مشکار اور معاذ ایک دوسرے کو پسند کرتے ہیں لیکن دونوں کی شادی کہیں اور طے کردی جاتی ہے۔

اس میں ایک اور کردار انا جی کا دکھایا گیا ہے جو ایک طاقتور اور مضبوط شخصیت کے طور پر نظر آتی ہیں۔ بظاہر یوں معلوم ہوتا ہے کہ انا جی پورے گھر والوں کی زندگی کے فیصلوں کا اختیار اپنے ہاتھ میں رکھتی ہیں، اور معاذ کی شادی کسی اور سے کروانے کا فیصلہ بھی انہی کا ہے۔

ڈرامے کا سب سے منفرد پہلو اس کا مرکزی کردار مشکار ہے جو معروف گلوکار گوہر ممتاز کی اہلیہ انعم احمد ادا کر رہی ہیں۔ انعم گوہر ایک ماڈل ہیں اور شادی کے بعد بھی وہ اپنا کیریئر جاری رکھے ہوئے ہیں۔

یہ دونوں اس سے قبل بھی ایک ڈرامے میں کام کر چکے ہیں جہاں ان دونوں کی جوڑی کو بے حد پسند کیا گیا۔

انعم احمد پاکستانی ڈرامہ انڈسٹری کا ایک خوبصورت اضافہ ہیں اور ناظرین بے صبری سے ان کا ڈرامہ نشر ہونے کا انتظار کر رہے ہیں۔ ڈرامہ 30 نومبر سے اے آر وائی ڈیجیٹل پر نشر کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top