کراچی: شہر قائد کے علاقے سائٹ سپر ہائی وے سے خاتون انعم کی تشدد زدہ لاش ملی تھی، پولیس کا کہنا ہے کہ انعم کو کس نے اور کیوں قتل کیا، یہ معمہ تاحال حل نہیں ہو سکا ہے۔
تفصیلات کے مطابق پولیس حکام نے کہا ہے کہ 4 روز قبل سائٹ سپر ہائی وے سے ایک کچراکنڈی میں سے خاتون کی لاش ملی تھی، بائیو میٹرک سے معلوم ہوا کہ خاتون کا نام انعم ہے اور نادرا کے پاس اس کا پتا سمن آباد فیڈرل بی ایریا درج ہے۔
پولیس کا کہنا ہے کہ ابتدائی شواہد کے مطابق خاتون کو تشدد کے بعد قتل کیا گیا ہے، خاتون لاپتا تھی اور وہ ڈیفنس میں کمپنی کے فلیٹ میں اکیلی رہتی تھی، پولیس کا یہ بھی کہنا ہے کہ خاتون کو کہیں اور قتل کیا گیا اور لاش سائٹ سپر ہائی وے کے قریب پھینکی گئی۔
پولیس حکام کے مطابق خاتون کی رہائش کرائم سین سے تقریباً 35 کلومیٹر دور واقع ہے، خاتون کے موبائل ریکارڈ اور دیگر شواہد کی روشنی میں تفتیش جاری ہے۔
