بالی ووڈ اداکار ادتیہ رائے کپور سے بریک اپ کے بعد اداکارہ اننیا پانڈے اب ایک سابق ماڈل کو ڈیٹ کررہی ہیں۔
گزشتہ دنوں اننیا پانڈے اور ادتیہ رائے کپور کی قریبی دوست نے بتایا تھا کہ اس جوڑی کے درمیان تقریباَ ایک ماہ قبل بریک اَپ ہوگیا تھا لیکن دونوں نے اس خبر کو خفیہ رکھا۔
اداکارہ کی دوست نے کہا تھا کہ بریک اَپ کی خبر نے ہم سب کو مایوس کیا لیکن اچھی بات یہ ہے کہ اننیا پانڈے اور ادتیہ رائے کپور اب بھی اچھے دوست ہیں۔
تاہم اب بھارتی میڈیا کا کہنا ہے کہ ادتیہ رائے کپور کے ساتھ بریک اپ کے مہینوں بعد اننیا پانڈے مبینہ طور پر سابق ماڈل واکر بلانکو سے ڈیٹنگ کر رہی ہیں۔
انڈیا ٹوڈے کے مطابق اننیا اور واکر کی ملاقات اننت امبانی اور رادھیکا مرچنٹ کی شادی سے پہلے امبانی خاندان کی طرف سے کروز پارٹی میں ہوئی تھی۔
اننیا پانڈے اور ادتیہ رائے کپور کا بریک اپ ہوگیا
بامبے ٹائمز نے رپورٹ کیا کہ اننیا نے واکر کو ’شادی میں اپنے ساتھی کے طور پر‘ متعارف کرایا تھا، دونوں فی الحال ایک دوسرے کو جان رہے ہیں اور ان میں بہت اچھی دوستی ہے۔
اس کے علاوہ اننیا پانڈے کی ایک ویڈیو بھی سوشل میڈیا پر خوب وائرل ہورہی ہے جس میں اننیا کو ’’ AW‘‘ نام کا ایک لاکٹ پہنے بھی دیکھا گیا۔
View this post on Instagram
اس کے علاوہ اننت امبانی کی شادی کی تقریبات کی کئی ویڈیوز میں اننیا پانڈے کو واکر بلانکو کے قریب دیکھا گیا، اس موقع پر اداکارہ بھی خوشگوار موڈ میں مقبول گانوں پر رقص کرنے میں مصروف تھیں۔
اننیا پانڈے کی ’نیا پارٹنر‘ کون ہے؟
بھارتی میڈیا کا کہنا ہے کہ واکر بلانکو جام نگر سے باہر ہے اور ونتارا اینیمل پارک میں امبانیوں کے لیے کام کرتے ہیں۔
