بالی ووڈ اداکارہ اننیا پانڈے اور خوبرو اداکار ادتیہ رائے کپور کے درمیان بریک اپ ہوگیا۔
گزشتہ سال کریتی سینن کی دیوالی کی تقریب میں ان کی مشترکہ موجودگی کے بعد، اننیا اور آدتیہ کے تعلقات کی افواہیں سوشل میڈیا پر سامنے آئیں، دونوں کو کئی پارٹیوں اور تقریبات میں ایک ساتھ دیکھا گیا تھا، لیکن وہ الگ الگ آنے اور جانے میں محتاط رہتے تھے، اگرچہ دونوں نے اپنے افیئر کی واضح الفاظ میں تصدیق نہیں کی تھی لیکن دونوں افیئر کے سبب شہ سرخیوں کا حصہ رہے ہیں۔
تاہم اب اننیا پانڈے اور آدتیہ رائے کپور کی قریبی دوست نے بتایا کہ دونوں کے درمیان تقریباَ ایک ماہ قبل بریک اَپ ہوگیا تھا لیکن دونوں نے اس خبر کو خفیہ رکھا۔
View this post on Instagram
اداکارہ کی دوست نے کہا کہ بریک اَپ کی خبر نے ہم سب کو مایوس کیا لیکن اچھی بات یہ ہے کہ اننیا پانڈے اور آدتیہ رائے کپور اب بھی اچھے دوست ہیں۔
اُنہوں نے مزید کہا کہ اننیا پانڈے مووآن کرنے کے لیے اپنے پالتو کتے کے ساتھ وقت گزار رہی ہیں اور اس حالات سے نمٹنے کی کوشش کر رہی ہیں۔
مزید پرھیں: اننیا پانڈے کی ہوشیاری پکڑی گئی
دوسری جانب بھارتی میڈیا کا دعویٰ ہے کہ گزشتہ ماہ اننیا پانڈنے اپنے انسٹاگرام ہینڈل کی اسٹوری میں پوسٹ شیئر کی جس کے بعد سے اُن کے بریک اَپ کی خبروں نے زور پکڑ لیا تھا۔
اننیا پانڈے کی پوسٹ میں لکھا تھا کہ اگر وہ واقعی آپ کے لیے اہم ہے تو وہ آپ کے پاس واپس آئے گا، وہ صرف آپ کو وہ سبق سکھانے کے لیے چھوڑے گا جو آپ خود ہی سیکھ سکتے ہیں۔
مزید پڑھیں: آریان اور اننیا کی ’چیٹ‘ لیک ہوگئی
پوسٹ میں لکھا تھا کہ اگر وہ واقعی آپ کے لیے ہوگا تو وہ واپس آجائے گا، بےشک آپ اُسے خود سے دور کرو یا آپ انکار کرو، یہاں تک کہ آپ یہ بھی سوچو کہ اتنی خوبصورت چیز کبھی بھی آپ کی نہیں ہوسکتی۔
