دبئی: انٹرنیشنل کرکٹ کونسل (آئی سی سی) نے ٹیسٹ کی نئی رینکنگ جاری کردی۔
آئی سی سی نے ٹیسٹ پلیئرز کی نئی رینکنگ جاری کی ہے جس کے مطابق انگلش فاسٹ بولر جیمز اینڈرسن نے آسٹریلوی بولر پیٹ کمنز کو پیچھے چھوڑتے ہوئے پہلی پوزیشن پر قبضہ جما لیا ہے۔
بولرز رینکنگ میں بھارت کے روی چندر ایشون ایک درجہ ترقی کے بعد دوسرے جبکہ پیٹ کمنز تیسرے نمبر پر چلے گئے ہیں، قومی ٹیم کے فاسٹ بولر شاہین آفریدی چھٹے نمبر پر موجود ہیں۔
بیٹرز کی رینکنگ میں قومی ٹیم کے کپتان بابر اعظم تیسرے نمبر پر براجمان ہیں جبکہ آسٹریلیا کے مارنوس لبوشین پہلے اور اسٹیو اسمتھ دوسرے نمبر پر موجود ہیں۔
آل راؤنڈرز رینکنگ میں بھارت کے رویندر جڈیجا پہلے، ایشون دوسرے، بنگلہ دیش کے شکیب الحسن تیسرے، بین اسٹوکس چوتھے اور اکشڑ پٹیل پانچویں نمبر پر موجود ہیں۔
Comments
- Advertisement -
