نیویارک : کک باکسنگ کے سابق چیمپئن اینڈریو ٹیٹ نے ایلون مسک کو مارک زکربرگ سے مقابلے کیلئے تربیت دینے کی پیشکش کردی، انہوں نے ٹیسلا کے بانی سے کہا ہے کہ تم میٹا کے سی ای او کو شکست دے دو گے۔
تفصیلات کے مطابق میٹا کے سی ای او مارک زکربرگ نے ٹیسلا، اسپیس ایکس اور ٹوئٹر کے مالک ایلون مسک کی جانب سے حقیقی’کیج فائٹ‘(پنجرے کے اندر لڑائی) کا چیلنج قبول کرلیا۔
جس کے بعد سوشل میڈیا پر بھونچال آگیا، اسی دوران کک باکسنگ کے سابق چیمپئن اینڈریو ٹیٹ نے مارک زکر برگ کے ساتھ ’کیج فائٹ‘ کے لیے ایلون مسک کو تربیت دینے کی پیشکش کی ہے۔
سماجی رابطے کی ویب سائٹ ٹوئٹر پر اپنے پیغام میں اینڈریو ٹیٹ نے کہا کہ میٹا نے ویکسین کے بارے میں سچ بتانے پر 2022 میں میرے تمام سوشل میڈیا اکاؤنٹس پر پابندی عائد کردی تھی۔
غیر ملکی خبر رساں ادارے کی رپورٹ کے مطابق اینڈریو ٹیٹ کا کہنا تھا کہ اب ہم اپنے دشمن پر حملہ کرکے اپنی عزت بحال کرسکتے ہیں، میں تم کو کک باکسنگ کی تربیت دوں گا اور تم نہیں ہارو گے۔
Meta banned me everywhere for telling the truth about vaccines.
But now we can restore honour with a strike at the enemy clans leader.
I will train you @elonmusk.
You will not lose.
— Andrew Tate (@Cobratate) June 22, 2023
یاد رہے کہ گزشتہ سال اگست میں میٹا نے خطرناک تنظیموں اور افراد کےحوالے سے پالیسیوں اور قواعد و ضوابط کی خلاف ورزی کے الزام میں ٹیٹ کے انسٹاگرام اور فیس بک اکاؤنٹ پر پابندی لگادی تھی۔
اینڈریو ٹیٹ گزشتہ کئی ماہ سے رومانیہ میں عصمت دری، انسانی اسمگلنگ اور خواتین کے جنسی استحصال سمیت مجرمانہ گروپ بنانے کے مقدمے میں مقامی جیل میں قید ہے، اس کے بھائی اور دو دیگر افراد کو بھی ان ہی الزامات کا سامنا ہے تاہم چاروں ملزمان نے ان الزامات کی تردید کی ہے۔
ٹیٹ کی جانب سے ایلون مسک کو کی جانے والی پیشکش پر سوشل میڈیا صارفین نے بھی اپنے ردعمل میں حیرانی کا اظہار کیا ہے، اس بات کا تمسخر اڑاتے ہوئے ان کا کہنا تھا کہ کیا اینڈریو ٹیٹ یہ کام جیل سے کریں گے؟ یا ویڈیو کالز پر ایلون مسک کو باکسنگ کے گر سکھائیں گے؟
واضح رہے کہ ٹیک ورلڈ کے دو بڑے جائنٹس آمنے سامنے آگئے ہیں، ٹوئٹر کے مالک ایلون مسک کا کیج فائیٹ کا چیلنج میٹا کے چیف ایگزیکٹو مارک زکربرگ نے قبول کرلیا ہے۔
اصل معاملہ مارک زکربرگ کا ٹوئٹر کے طرز کی سوشل میڈیا پلیٹ فارم میٹا پراجیکٹ ہے جس کی وجہ سے ایلون مسک نے مارک زکربرگ اور میٹا کے خلاف مزاحیہ اور تنقیدی ٹوئیٹس کر ڈالیں۔
Better be careful @elonmusk I heard he does the ju jitsu now 😆 🤣 😂 😹 😆 🤣 😂 😹 😆
— [email protected] (@kwmarkoff26656) June 21, 2023
مارک زکربرگ نے بھی جواب میں خوب طنز کے نشتر برسا دیئے، ٹوئٹر سربراہ مسک نے ٹوئٹ کیا کہ وہ کیج فائیٹ کے لیے تیار ہیں۔
تو زکر برگ نے مسک کے اسکرین شارٹ کے ساتھ اپنی انسٹا اسٹوری پر کیج فائیٹ کے لیے لوکیشن مانگ لی، جس کا مسک نے بھی فوری جواب دیا۔
ویگس اوکٹاگون وہ جگہ ہے جہاں الٹیمیٹ فائٹنگ چیمپئن شپ کے مقابلے منعقد ہوتے ہیں، ایلون مسک کی لڑنے کی صلاحیت کے بارے میں کچھ بھی کہنا قبل از وقت ہوگا لیکن مارک زکر برگ ایک ماہر فائٹر ہیں۔
