ہمارے جسم میں اگر کسی بھی وجہ سے خون کے سرخ خلیات کی کمی کا سامنا ہو تو یہ انیمیا کا عارضہ ہوتا ہے جس کی متعدد علامات اور جسمانی پیچیدگیاں ظاہر ہوسکتی ہیں۔
ویسے تو خون کی کمی کے مسئلے کا سامنا دنیا بھر میں کروڑوں افراد کو ہوتا ہے لیکن ایک رپورٹ کے مطابق پاکستان میں نو عمر لڑکیاں اور پانچ سال سے کم عمر بچے خون کی کمی کے مرض کا شکار ہیں۔
اے آر وائی نیوز کے پروگرام باخبر سویرا میں گفتگو کرتے ہوئے وفاقی وزیر صحت ڈاکٹر ندیم جان نے جسم میں ہونے والی خون کی کمی اور اس سے ہونے والے مسائل اور اس کے حل کے بارے میں بتایا۔
انہوں نے بتایا کہ خون کی کمی کو طبی زبان میں انیمیا کہا جاتا ہے انیمیا درحقیقت جسم میں خون کے سرخ خلیات کی کمی کو کہتے ہیں، جس کی کئی اقسام ہیں مگر سب سے عام قسم جسم میں آئرن کی کمی کا نتیجہ ہوتی ہے۔
ان کا کہنا تھا کہ پاکستان کی نو عمر لڑکیوں میں سے 54فیصد خون کی کمی کا شکار ہیں اور اس سے بھی زیادہ تشویشناک بات یہ ہے کہ ایک سے لے کر پانچ سال کے 62فیصد بچے بھی انیمیا کے مریض ہیں۔
انہوں نے کہا کہ عوام میں آگاہی کی کمی اور غربت میں اضافہ اس کی بڑی وجہ ہے، اس مرض کی علامات میں سانس لینے میں دشواری یا سر چکرانا، تھکاوٹ کا بہت زیادہ احساس، جلد کی رنگت زرد ہوجانا، سینے میں درد اور دل کی دھڑکن کی رفتار بڑھ جانا شامل ہیں۔
آئرن کی کمی کی صورت میں اگر جسم میں خون کی کمی ہو تو چند غذائیں فائدہ مند ثابت ہوتی ہیں جیسے دودھ سے بنی اشیائ، کیلشیئم سے بھرپور خوراک، کیلشیئم سپلیمنٹس، کافی اور چائے وغیرہ، جبکہ لیموں کو بھی اس حوالے سے بہترین سمجھا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
